آمين يارب العالمين .. جزاك الله خير

الله يسلمك اخوي ..
ان شاءالله تستمعون برحلتكم وترجعون بالسلامة وتكررونها مرات ومرات :)
بورصة يعني ثلوج اكثر لكن اللي يزور تركيا اول مرة لازم يزورها وان شاءالله تكونوا انبسطتوا فيها :)

وان شاءالله تسوي لنا تقرير بالرحلة ونشوفها مصوّره :)

اي استفسار ان شاءالله افيدكم فيه :)

ماشاء الله .. أول شيء الحمدلله على سلامة الوصول ..
ماشاءالله عليكم يعني خلاص لفيتوا اسطنبول كلها بكم يوم ؟؟ :)
انا لو عليّ اجلس لو بالفندق اشوف اللي رايح واللي جاي المهم اسطنبول :)
ما ادري لو رحت كل الاماكن اللي ذكرتها لك ؟
اذا بردتوا وتقدرون تغيرون مسار رحلتكم فيه المناطق الجنوبية الساحلية ممكن تكون ادفأ من اسطنبول بهالوقت .
لو سألتني قبل الرحلة كنت نصحتك تخلي رحلتكم في الربيع باردة وطبيعة حلوة :)
فيه اكواريوم ثاني لو حابين مختلف عن الاكواريوم الكبير اللي عند المطار بان فيه ممر زجاجي والاسماك حولك من كل جنب فيه فورم اسطنبول منها تسوق وتمشية :)
جرب كل المطاعم المعروفة دام الجو مايساعد الا للاماكن المغلقة ..
ولو تنقل لنا اجواء اسطنبول بالصور يكون ازين :)
فيه مول بعد في وسط شارع الاستقلال وفيه داخله محل بالكامل من ٣ ادوار للالكترونيات والكاميرات لو انت من محبيها.

بس السؤال المهم ياترى اعجبتكم اسطنبول ؟ :)

اي استفسار انا حاضرة وبارجع اسال اخواتي عن اماكن واكتبهم برد ثاني ان شاءالله :)

عليكم السلام ورحمة الله ..
بالنسبة لبحيرة سبنجا للامانة انا ماعمري رحتها لكن ان شاءالله ان ربي اراد وزرنا اسطنبول مخططين نروح لها ..
بالنسبة لنشاطات البحيرة حاليا في الشتاء اتوقع ماييكون فيه نشاطات كثير .
وتقدرين تزورينها برحلة لنصف يوم وانت في اسطنبول تبعد ١٢٠ كيلو تقريبا بالسيارة ويمدحون المنطقة وفي طيق صبنجة فيه منطقة معشوقية بعد .
والبعض يروحها بواسطة القطار لكن يقولون متعب شوي و مستهلك .

اتمنى لكم رحلة سعيدة مقدمااا

برج غلطة و المتاحف ايا صوفيا و توب كابي والجامع الازرق ماكتبتها ما ادري هل تحب زيارة المتاحف او لا .. وفيه الحدايق بعد مثل حديقة الاميركانا و يلدز


شارع الاستقلال ومنطقة تقسيم ان سكنتوا فيها فانتم محظوين لان كل شيء موجود فيها وهي قلب اسطنبول النابض بالحياة ليل نهار وتقدر تنزل تتمشى في شارع الاستقلال الى الساحة 1 ونص بالليل بامان تقفل فيه طبعا المحلات ولكن المطاعم والمقاهي و النايت كلوب هي اللي تفتح لوقت متأخر .


من المطاعم المشهورة هناك مطعم ( الملك , هاتاي سوفراسي , جليك , حمدي , زنهان , نملة ) جربناهم واكلهم فعلا مميز تقدر تختار اي واحد من بينهم وتروح له للعشاء في يوم تكون فاضي فترة المساء

هذا تقريبا اللي في بالي !! لكن ان احتجت اي شيء هنك تقدر تسأل وان شاءالله اجاوبك وافيدك .


على فكرة اذا حبيتوا تشترون بطاقات تركية اشتروا من تورك سل , اذا معاكم بلاك بيري او ايفون الشريحة مع خدمة بلاك بيري وتشتغل عليها كل الخدمات تويتر و فيس بورك واي برنامج اتصال بدون واي فاي ضمن الخدمة بـ 50 ليرة تركية من ضمنها 7 ليرة للاتصال , طبعا الاتصال منها للسعودية غالي لكن تستقبلون برخيص واذا في يوم خلص رصيدكم تقدرون تتكلمون بمبلغ 20 ليرة ويعتبر دائن مجرد ماتشحنون الرصيد تنخصم منها .
واذا حبيتوا شريحة عادية بـ 30 ليرة الشريحة والشحن مثل ماتحبون ,
بس تاكدوا انكم تسترونها من تورك سل انفسهم لاتشترونها من الاكشاك او محلات الموبايل العادية وتورك سل بتلاقون لها فروع في كل مكان .. اذا في تقسيم اول محل لهم باشرع الاستقلال حتى مايطلب منك لا صورة من الجواز ولا شيء :)


صرف العملة متوفر في كل مكان سواء مكائن صراف او صرف عملة كاش , ويتعاملون باليورو و الليرة والدولار في اي مكان :)


ان شاءالله اكون افدتك بهالمعلومات ومرة ثانية رحلة سعيدة وممتعة باذن الله :)

الله يهنيكم في رحلتكم وتروحون وترجعون بالسلامة مقدما :)
وبتنبسطوا ان شاءالله في تركيا تستاهل الزيارة ولو انها في الشتاء بتكون برررد بس مثلنا اهل تبوك متعودين على البرد .. اذا تدفيتوا زين مافيه مشكلة

نسيت اسال وين بتسكنون في اسطنبول حتى اقدر افيدك بالمنطقة اللي حولك لو اعرفها لكن ان شاءالله يكون سكنكم في منطقة تقسيم او قريب منها :)

اماكن للزيارة في اسطنبول كثير :

قصر السلطان عبدالمجيد ( دولمه بهجة ) حتى لو ماكنتم تحبون الاماكن التاريخية والمتاحف هالقصر زيارته غير ممتع التجول فيه وفعلا يستحق الزيارة .. ومنه تطلعون الى منطقة اورتاكوي فيها مقاهي و ماطعم ومطل على البسفور وقريب من الجسر ومنها تقدرون تاخذون رحلة في الباخرة لمدة ساعة في البسفور .

منطقة بيرلوتي مطلة على القرن الهذبي وفيه مقاهي ومطاعد بعد وتقدرون تطلعون للمنطقة اما بالتلفريك او السيارة وتنزلون منها الى منطقة ايوب بعد هادية وحلوة ومنها تروحون الى منطقة امينونو مقابل السوق المصري تشتهر المنطقة ب قوارب بيع السمك المشوي و المخلل وفيه مقاهي تحت الجسر بعد ومطاعم ماكولت بحرية ان خلصتوا منها بدري وقبل الساعه 6 زوروا السوق المصري اللي يشتهر ببيع الحلويات والبهارات والعطور والقهوة و التحف فيه محل حلويات اسمه حياة يبيع اللكوم التركية ( راحة الحلقوم ) هو نفس المحل اللي اشترت منه زوجة الملك عبدالله الحلويات :)


جزر الاميرات رحلة بتاخذ نص يوم واللي يميز الجزر انها مافيها سيارات التنقل فيها على العربات ( الحنطور ) و السياكل وغالبا رحلة الجزر يكون معاها وجبة الغداء واذا رجعتوا بدري تقدرون تستغلون يومكم وتروحون لواحد من المولات .. جواهر , استينيا بارك , كانيون , ميترو سيتي ...



منطقة كيليوس والبحر الاسود حلوة المنطقة للعوائل اكثر ولكنها حلوة جبلية مرتفعه تشوف منها اسطنبول واذا رحتوا لها اطلبوا من السيارة تاخذكم من طريق الساحل امتع واحلى واذا دخلتوا مطعم في المطاعم المفتوحة اختاروا مطعم شومنيه جلساته حلوة وصالته الشتوية دافيه ومطلة ع النهر و الحديقة واكلهم لذيذ وخدماتهم حلوة والاهم انهم ماينصبون عليك بالسعر مثل باقي مطاعم المنطقة .



حديقة فلوريا و اكواريوم اسطنبول الجديد قريب من المطار وفي منطقة فلوريا حلو الاكواريوم ولكن ان حبيتوا تروحون لمول فيه فورم اسطنبول وداخل الفورم فيه الاكواريوم القديم و المطاعم خياراتها كثيرة في المول لكنه بشكل عام فورم اسطنبول ممل شوي .


ميني تورك واللي فيها مجسمات لكل معالم اسطنبول ومعلومات عنها هذا ان ماحبيت تزور المتاحف زورها ومنها خذ رحلة الى الجانب الاسيوي لزيارة منطقة جامليجا ( تل العرائس ) اعلى منطقة في اسطنبول المكان و زيارة شارع بغداد و منطقة بيلاربيه في اسيا

بحيرة سبنجا و قرية معشوقية تبعد عن اسطنبول 120 كيلو المكان حلو للامانه مارحناه لكن ان شاءالله عندنا نية نروحه بالمرات الجاية وممكن تخلونه ضمن رحلة الجانب الاسيوي ابتدوأ في جامليجا وبلاش من شارع بغداد بيلاربيه وكملوا لمعشوقيه و سبنجة .


وفيه بعد في السيتي تور رحلات نهارية وليلية للشخص اعتقد 100 ريال او اكثر شوي وتشوف كل معالم اسطنبول .

قراند بازار واللي يعتبر السوق المصري فرع منه فيه اكثر من 3000 محل وفيه الجلود الطبيعيه والاثاث والتحف والملابس بياخذ منكم يوم بس يستحق الزيارة

الله يبارك فيك اخوي .. شكرااا لك .
ان شاءالله تتهنون في رحلتكم وتركيا تستاهل الزيارة :)

كم يوم برنامج رحلتك ؟؟
اذا في اسطنبول ابشر ان شاءالله اعطيك برنامج لاماكن تستحق الزيارة فيها :)
انتظر ردك :)

صورتي الفائزة بصورة اليوم :)

اهلا بيكِ اختي
لاتعطين لكلام الناس اهم من ثقتك بنفسك
الكلام يأثر فينا صحيح لكن كل انسان مستحيل يرضي كل من حوله
الرسول عليه الصلاة والسلام كان أمي , التعليم مو هو اللي يعطينا اهمية
كم من فاشلين دراسيا صاروا اهم وافضل من المتعلمين وحاصلين على الشهادات
برأيي ثقي بنفسك وشوفي الايجابيات فيكِ واستغليها واعملي على تحسين سلبياتك ولا تعطي
رأي الناس اهمية .. فرضاء الناس غاية لاتدرك حبيبتي <3
استمتعي بابسط الاشياء عندك وكوني على ثقة بان الله سبحانه وتعالى اختار لك الافضل .

شوفيني فقدت أغلى ماعندي أمي ولكن أقول وأردد الحمدلله على كل حال
الحياة بنعيشها كيف ماكانت .. فلا تعيشين حياتك متشائمة ويائسة منها
نفسك تستاهل انك تسعديها رغم كل الظروف .. :)

ان شاءالله اشوف منك رسالة وانت متفائلة لحياتك اكثر

اللهم آمـــــين يارب العالمين ويحفظ لكم غاليتكم ويحفظ لنا ابوي <3
كل خسارة وكل فقد مايسوى فقد الوالدين ..
مهما عاش الانسان مستحيل يعيش حياته مثل ماكانت وياهم
الناس تشوف الظاهر لكن ماتشوف الانكسار داخلك مهما حسوا فيك
الله لا يجعل آخر عهدنا فيهم بالدنيا ويجمعنا فيهم بجنات النعيم وكل من فقدناه وبنفقده

شكرا لك ..

اللهم آمـــــين يارب العالمين وموتى المسلمين اجمعين .. الله يجزاك خير
ثاني شيء يمسيك ربي بالنور ويخليك بس العفو ماعرفتك مين ؟؟

اللهم آمـــين يارب العالمين وموتى المسلمين اجمعين
الحمدلله انا بخير واهل عهد طيبين .. بس العفو ما عرفتك مين في عهد ؟

آمين يارب العالمين وموتى المسلمين اجمعين .. الله لايفجعك في غالي

حياك ربي اختي :)
والله يرحم أمي و موتى المسلمين أجمعين .. <3
بالنسبة لسؤالك الزيت او السمن مثل ماتحبين انتِ لكن الموية الكثيرة اللي اعرفه هي اللي تعجن الرز وعندك طريقة طبخ الرز المصري في المدونة لكن رزنا حنا طريقته مختلفة شوي ويحتاج ماء اكثر ^_^

نوووورتِ

صورتي الثانية اللي تفوز بموقع صورة اليوم ^_^

اللهم آمـــــين .. جزاك الله خير
الله يقدرنا على برها هي احوج لنا الآن .. الله يتقبل منا ومن الجميع صالح اعمالهم

اللهم آمـــــين يارب وياكم .. شكرا لك

ينعاد عليك حبيبتي .. شكرا لك <3

آمين يارب وياكم .. شكرا لك