اثرك انتي اللي مستقعده لي قبل :d

والله فيه كم موقف انحرجت فيه بقووه واقربها اللي كان مع امير تعاملت معه بحقارة وانا مدري انه امير خخخخ ودي اقوله بس مشكلته طويل مررره ,,

بس فيه موقف صعبه انساه ,, كنت رايح انا وخويي لسوق الجوالات اللي فالمرسلات ,, طبعا هالكلام يومني فثاني ثانوي تقريبا وكانت ماسكه معي على كشخه ذاك اليوم ولابس شماغ وعقال ,, المهم وحنا نقطع الشارع مال عقالي ,, وقفت عند جمس مظلل باعدل شخصيتي ,, وانا خاش جو مع نفسي واضبط الا وينفتح الشباك ,, انا انهبلت ,, اثر الجمس كان فيه حريم ,, المهم وتجي وحده منهم وتستلمني استلام انت ما تستحي على وجهك ,, قاعد تغازل بنات خلق الله وووو ,, انا منصدم وجالس بكل براءة اقول والله معليش ما كنت اقصد والله ما دريت وووو ,, انا توني بديت اصحى على نفسي واكتشف ان صوتها كان عالي بزياده لدرجة الناس قاموا يناظرون ,,
شوي ويجيني واحد مطوع حيوااان الله يآخذه ويجي مسوي بيفزع مع ذي و يهزأ ,, انت ما تستحي على وجهك ترضى على اختك كذا الله لا يوفقكم ويبدأ يهاوش ويصارخ ,, واول ما يسكت تتكلم ذي واذا سكتت ذا قام مسوي ينصح ,,انا خلااااص ماعاد قدرت اتحمل الموقف هذي تهاوش وهذاك يصارخ والعالم طلعو من المحلات يشوفون ,, وصلت مرحلة من جد انفجرت والتفت على ذا المطوع واقوله : يا حماااار على تبننننن << من قللللب والله خخخخخ ,, ماكنت ادري تعرف وش معنى ما كنت ادري الله يآخذ عمرك ,, شوي ويجي خويي ويدفني يقول خلاص امش فشلتنا الله يقلعك خخخخ ورجعنا السيارة وحنا نمشي اسمع صراخ وراي والله ماادري وش يقولون من جد وصلت معي ,, اول ما ركبنا السيارة خويي ما قدر يمسك نفسه من الضحك قسم بالله ما سكت الين وقفت عند شارعهم قلت له يا منيب قايل بتسكت والا نزلتك خخخخخخ

هو الموقف ع الحقيقه غييير لان صعوبته كانت فالاحراج اللي فيه والضغط كل العالم يناظرون وانواع التهزيء من كل جهه

منوره بنوو ,, وجهزي موقف من الحين ترى بتجي هجمة مرتده على بروفايلك < فيس شرير :d