مدري كيف جبتي صفحتي :) ما خشيت الموقع من العصر الحجري
الكمبيوتر بديت معه يوم كنت تقريبا بسن الـ 14 كان مع اخوي كمبيوتر مكتبي وشرا لاب توب وخذته منه
كان ببدياتي ما فيه عندنا انترنت الا الدايل اب ، وكان هذاك الوقت الانترنت نخشه بفتره محدوده يعني مو زي الحين
كان لما اخش الانترنت احمل اي برنامج القاه احب شي اسمه برامج هع اروح اخش اي منتدى واقرا واحمل واجرب ، من كثر ما احمل البرامج خليت الجهاز بطئ ودايم اخواني يهاوشوني
بس الحمدلله الحين صرت افهم للكمبيوتر واعرف واي واحد عنده مشكله في الكمبيوتر احاول اصلحها له
اي واحد يطلب برنامج اعطيه اسم مباشره خخخ ، وكان في هذاك الوقت عندي سيدي مليان دروس حق فوتوشوب مجمعها اخوي من النت كل ما زهقت اطبق عليها استفدت منها كثير صراحه
الحين ما عاد اطبق دروس ولا شي النت ماخذ كل وقتي لعب وسواليف وقرايه ، النت والله مضيعه وقت بالنسبه لي بس وش اسوي
تقريباً اولى ذكرياتي مع الفوتوشوب كنت اشوف اخوي الاكبر من ييشتغل على الفوتوشوب يطبق درس وانا اشوفه ولا افهم وهو يطبق الخطوات وانا احاول افهم منه