-
All responses Most smiled responses
-
مساءك فرح ()
المقاطع من موقع فيمو ، أغلبها
وبعضها من اليوتيوب ومن أماكن ثانية لكن فيمو يطغى عليها كلها
لأن التصوير إحترافي والدقة جدًا جميلة () -
أهلًا :"")
ياحبي لك ولكل بنات المصلى ()
الله يسعدك ياربّ ، ويكتب لك الأجر :""
ماأقدر أقولك أقدر أو ماأقدر :(
لأني الحين مرحلة تدريب ميداني
وشغل مؤسسة وجامعة وحوسة فأحس أن وقتي صاير ضيق مرررة
ممكن لو شفته وحسيته سهل أسويه لك لو تقدرين ترسلين لي الموضوع ()
وبكون سعيدة لو خدمتك ، جدددددًا () -
مممم فيه كلمة قالتها لنا الدكتورة ، مو مهم نسولف أو نتكلم قد مايكون مهم أن كلمتنا فيها قيمة
وحتى تعليقنا !
فلايضيق صدرك إنك مُب تسولفين :")
مدري وش أقولك بس أحس لو تبدين بالي معك يعني تعلقين ع الي جنبك مب تعلقين كذا بشكل عام لكل الي يتناقشون بالسالفة ؟
لا حددي زي مثلًا . . فلانة : أنا شفت كذا وكذا !
وحبة حبة راح يتعودون يسمعون صوتك ، وراح يهمهم رايك ومشاركتك لهم بأي موضوع
أهم شي لاتحطين ببالك محد سمعني يعني رايي غلط وإلا فشيلة أقول ؟
مرّات مُوب ينتبهون لكلامنا حتى لو أننا جريئين ونسولف و و و
فهذا مُب معناته أننا مهمشين
لا تعرفين حماس الحريم بالسوالف ذذ
لايضيق صدرك ولاتخجلين أبد من التعليق
كلنا لنا الحق في طرح آرائنا وأفكارنا بغض النظر صح غلط تعجب أحد ماتعجب أحد =)
عاد أنا من تالي ماعاد أسولف كثير مدري وش فيني :p -
أهلًا حبيبتي
لا قناتي مو خاصة :"")
مفتوحة !
إذا مافتحت عندك للحين قولي لي ؟ -
مممم حصرتيها بحكمة :")
والحكمة كلام بشر !
وأنا في العطاء والبذل أبحث عن كلام ربّ البشر ()
وهي قوله تعالى :
" فمن تَطَوَّعَ خيراً فهو خير له "
وقوله :
" وتعاونوا على البر والتقوى "
وفي آية أخرى :
" وما تقدموا لأنفسكم من خير تجدوه عند الله هو خيراً وأعظم أجرا "
هذي الآيات ، أوقف قدامها كثيييييييييييير
ربّي يقول لي ، أي شي تقدمينه للناس
هو خيييير ، خير لك ياليلى :"
يعني لو أعطيت ولا أحد قدّر
لو بذلت وخذلوني
لو ولو ولو
ربّي يردّ على ربّي يقولي هالخير الي قدمتيه ماراح يضيع أبدًا بتلقينه عندي أعظظظظظم أجر !
هذي لحالها تحفزك ، تشجعك على التطوع والبذل ()
فيه بعد أحاديث لـ النموذج الراقي والقدوة في البذل والعطاء والتفاني والإخلاص في العمل :")
رسولي صلى الله عليه وسلم ، لمّا قال :
" خير الناس أنفعهم للناس "
وفي حديث آخر :
" أحب الناس الى الله أنفعهم "
وهذا الحديث المؤثر :
" أحب الاعمال الى الله عز و جل سرور تدخله على مسلم أو تكشف عنه كربه أو تقضي عنه دينا أو تطرد عنه جوعا
و لأن أمشي مع أخي المسلم في حاجه أحب الي من أن أعتكف في المسجد شهرا . .
ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام "
ياااالله يا هذا الحديث ()
تحسين نفسك صغيرة لمّا مرّات تنتظرين شكرًا من أحد !
وش الشكر قدّام الخيرية الي خصْك ربّي فيها ، لأنك نفعتِ أحد ؟
وش شكرًا قدام حب ربّي لك بسبب هالعمل وهالعطاء :") !
أنا وش أعطي للبشر وش أقدم لهم ؟
شي صغييييير صغييير قدّام العطاء الي بيقدمه لي ربّي :""
أختم ردّي على سؤالك بهذي الآية ، الي يمكن تختصر كل الكلمات :
" ويؤثرون على أنفسهم ولو كان بهم خصاصة ومن يوق شح نفسه فأولئك هم المفلحون "
ياربّ ، اجعلنا معهم ♥ -
اااالله ()
تذكرت نفسي
< حسيت أني عجوز :p
احترت وش أكتب ، تجاربي كثيرة جدًا بالجامعة ()
بس بقولك عن نقطتين مهمّة
أما الباقي ، بخلي لك متعة اكتشافها ، ومتعة التجربة والتعلّم من تجربتك :
الجامعة
الشي السعيد جدًا جدًا جدًا ،
أنتِ دخلتيها ليش ؟
عشان تطورين نفسك ، توسعين علاقاتك ، يكبر تفكيرك ويتوسع
بتختلطين بأشكال وألوان من الشخصيات
بتشوفين كل الصفات الي تسمعين عنها ولاقد شفتيها بمجتمع المدرسة ،
أنتِ توّك داخلة للجامعة ، ماراح تعرفين مين البنت الطيبة ومين البنت الي نيتها العكس !
فلاتحطين حاجز كبير بينك وبين البنات بالعكس
كلمي هذي وأمشي مع هذي وعطي دفترك هذي و و و
صيري عفوية وطبيعية يعني لاتحسسين أنك جامدة بعلاقاتك لأنك في المرحلة الأولى
مرحلة الإنطباع الأول فحلو الناس تاخذ انطباع هالبنت بشوشة ، خلوقة ()
أنا دخلت جامعة الملك سعود وفي بالي كلمة وحدة :
نفسي نفسي
قالولها لي كثير ، وحشوا راسي أن بنات الجامعة كل وحدة همها نفسها
وأن بنات الجامعة إذا عطيتيهم شي مايرجعونه
وأن بنات الجامعة مافيها صداقات
و و و
شي طبيعي دخلت بهالنظرة ، بصير فعلًا أشوفها
لو بنت أخذت مني شي وتأخرت دقيقة مارجعته أوسوس
إييي هذولي بنات الجامعة < طالعة منهم خخخخ
لا جدّ حسست نفسي أن الكلام الي قالوه لي صح
حسيت أني غبية بصراحة ،
ياربييه وش ذا المسلسل الي أعيشه ><"
لا بالعكس ، أبعطي البنات ، وبكلم البنات ، وبتمشى مع البنات
بقولك شي :
أعطي الناس صدقيني بيرجع لك ، الناس للناس ولاتنتظرين منهم شي
أهم شي خليك واضحة ، أنا بعطيك كتابي بس عطيني رقمك عشان أذكرك ترجعينه (:
وفعلًا صرت أحس الجامعة أخذ وعطاء هذي تاخذ وهذي تعطي وبكرا هي الي أخذت تعطي ،
أنا أتكلم هنا عن المستوى الأول
لأن البنات توهم داخلين
بس ترا مع الأيام والمستويات بتعرفين مين الي تثقين فيها
ومين الي تحضر المحاضرات أكثر منّك ، ومع ذلك قبل الإختبار بيوم " بالضبط" تطلب كتابك !
هذي الشخصيات خليها بعدين ماراح أتكلم عنها لأنك أنتِ بتعرفينها ()
مممم فيه شي الي يقولون مافيه صداقات بالجامعة
والله أروع البنات قابلتهم بالجامعة ،
والأيام بتثبت لك ()
تغيبين يسألون عنك
ينقصك شي بيعطونه لك
والله ماأنسى وقفات البنات معي
على أن الي جمعنا يمكن مقرر واحد بس ()
فلاتحطين في بالك أنك ماراح تلقين أبدًا مثل جوّ الفصل !
لاتدخلين بهالنظرة
لأن المدرسة عالم غير غير
والجامعة غير
القاعة غير والفصل غير
بنات الحي غير وبنات المدينة كلها غير
بتتعبين لمّا تقارنين !
خلاص الثانوية راحت بحلاوتها ومراراتها
وهذي مرحلة جديدة ، وبطلع منها بذكريات مثثثثل الثانوية :")
يالله يوم نظمت حفل الخريجات السنة الي راحت ،
تشوفين بنات الدفعة لمّتهم على بعض ، تشوفين كيف ماسكين بعض في المسيرة
بتعرفين طعم الزميلات ()
هذي كلها نقطة وحدة ههههههههه
الشي الثاني ،
الدكتورات ،
أنا متصورة أن الجامعة فيها ظلم :(
وأنك ممكن تشدين حيلك وآخر شي تحملين :|
كلام وأنا على اعتاب التخرج
اكتشفت أن كلّه كلام ، وكل وحدة تحكي تجربتها حسب كيف كان وضعها بالقاعة .
بالنهاية أنتِ الي تجيبين النجاح لنفسك ،
الي يفرق بس هو نفسية الدكتورات ؟ أقصد بعضهم تجيك أخلاقها قافلة ، بعضهم تستحقر الطالبات تحسسهم أنهم مايستاهلون يكونون جامعيات ، بعضهم ماعندها أساليب إبداعية بالمحاضرة تلقينها تقرأ
وتلقين نماذج مزعجة مثل كذا
بس بالأخير الشغل أولًا وأخيرًا عليكِ
شديتي حيلك ؟
خلاص تجيبين الدرجة العالية !
لمّا يجونك بنات مو وحدة أو ثنتين
لا كثير
يحلفون لك الدكتورة شينة وتحمّل البنات ،
تدخلين المنتدى تلقين الكل يسبها ويتكلم فيها ،
تكتشفين بعدين أنهم من الأساس مامشوا تمام معها
أول ماتدخل الدكتورة وكل الدكتورات يقولون كذا :
المتوقع من الطالبة
والمتوقع من الدكتورة
وخلاص أنتِ من أول محاضرة تعرفين الدكتورة وش تبي منّك !
فلا تستغربين بيوم أنها لامتكِ على تقصير طلع منّك
الدكتورات يحبون الطالبات الي يمشون معهم ،
ونفس الشي لو البنت شافت من الدكتورة شي مايرضيها تروح تكلمها ،
تجربتي حلوة مع الدكتورات
لأني من أول مستوى ، وأنا في الكرسي الأول :p
وأرتدي نظارتي والظاهر خذوا فيني مقلب خخخخخخخخ
أنتِ أجلسي قدّام ( بس لاتلبسين نظارة ذذ ) علّقي وعلّقي وعلّقي
مُب تشاركين بس شي من الكتاب أو من المحاضرة !
لا ضيفي نقطة تذكرتيها ، ضيفي نقطة قريتي عنها
تثري الموضوع
ياااالله لو تتخيلين فرحة الدكتورات بهالإضافات ()
الله يسعدهم دكتوراتي وأستاذاتي ()
يااالله شقدّ مُمتنة لهم :"")
أثرتِ المشاعر :""
لأني أحبهم جدًا جدًا جدًا
وأتمنى أن أرد معروفهم وأقف يومًا مكانهم ()
في قسمي وفي جامعتي التي أحب .. وياربّ ♥
وصح تذكرت :
- تأخرك عن وقت المحاضرة
- تاكلين علك
- كل شوي تطلعين الجوال
- تسولفين مع الي جنبك
كل هالتصرفات من الثانوي عارفين أنها تزعج المُعلّم الي واقف قدامنا .. ولازالت تزعج الدكتور والبروفيسور !
بعض البنات فاهمين الجامعة حرّية ؟ وعلى كيفي وعلاقتي بالدكتور بحدود القاعة وبس ><"
حلو تكونين نموذج راقي ، لشابّة ، جامعية ♥
رقي اللباس ، ورقي الأفكار ، ورقي الأخلاق
* شاركي كثير بالأنشطة في الجامعة ، تطوعي ومثلي الجامعة ، نظمي حفلات ، ادخلي دورات
وصيري عضوّة فعالة ، تأخذ من الجامعة وتعطي ♥
بتفيدك صدقيني كثير :") وبتحبين الجامعة ، أنا أقوم الصبح أقوم فليش ماأقومه بحماس وإنتعاش ()
لأن خلاص أسمك ومستقبلك ارتبطت بالجامعة ،
فلانة بنت فلان طالبة جامعة الفلان
والوثيقة الي يقوم عليها مستقبلك ، مختومة من جامعتك
فهي جزء منّك ،
مايهم شكلها ، مايهم مين فيها ، مايهم إلا أنا
كيف بيكون بكون فيها =)
+ أنصحك بكتاب :
http://www.bahrainevents.com/forum/u/22037/New%20life.jpg
حلو وخفيف وبيفيدك كثير
في رحلة الأربع سنوات ، العظييييييييمة ()
الي متأكدة بتكون نقطة تحوّل في حياتك ♥
وآسفة طوّلت الحكي :$
هذا وأنا أشوف نفسي مختصرة :p -
asked by rashid021
جدًا الوقت مشكلة تتعب وتسبب فوضى ><"
أنا ماأنظم وقتي بالضبط إلا في رمضان !
يعني الي أحدد لنفسي بالوقت كذا بسوي هالشي ،
بالأيام العادية أترك لنفسي المجال بس أهم شي أحدد
اليوم وش بخلص ؟
وأسجل كل هذي في لوحة أنيقة شريتها من فريق مشكاة هذي شكلها
http://farm4.static.flickr.com/3522/4040558858_0a3207038e_z.jpg?zz=1
وكل ماخلصت شي رميت الورقة (:
أنا للأسف على كثر الأجهزة الي حولي إلا أني ماقدرت أعتمد عليها في تسجيل المهام أو المواعيد أو غيرها
وإلى هذا اليوم أنا لاأعرف كيف أستخدم المنبه ^^
فيه أشغال أعتمد على ذاكرتي فيها مايحتاج أسجلها
مثل : بروح أقيس نظري وأفصل نظارة
بس الي أعتمد على ذاكرتي أأجلها بشكل فضيع !
والنظارة من زماااان وأنا بروح أغيرها بس أأجل
قررت أسجلها ، والحمدلله رحت على طول قست النظر :p
لأن الشي المكتوب قدّام عيوني يحسسني أني مهمّ أسويه
بس لو أعتمد على الذاكرة يا بنشغل وبتناسى وكذا
بس لو مكتوبة بتصير طول الوقت في وجهي
عشان كذا أفضل التسجيل في البورد أو في مفكرات خاصة بالتسجيل .
في أيام الجامعة يوزعون علينا كل بداية تيرم
( مفكرة الطالب الجامعي )
بجهد طلاب وطالبات جامعة الملك سعود .
دفتر صغير حجمه جدًا مناسب للشنطة ولليد
عملي جدًا
ترتيب التقويم ، الصفحات ، العبارات والصور المحفزة ،
فهذا بأيام الدراسة أعتمد عليه بشكل كبير وهوّ الأساس بتسجيل كل الي بقوم فيه حتى لو مايتعلق بالجامعة أو المحاضرات (:
وهذا شكلها :
http://sms.ar.sa.googlepages.com/120320091018.jpg
+
http://bit.ly/pcI2a3
الصور من قوقل ^^"
وشريت مذكرة صنّاع النجاح ، أتوقع تعرفها ؟
وللأسف حجمها ، والتجليد ثقيلة جدًا وشي متعب تحسفت وإلا كان ودّي أعتمد عليها
لأنها من طارق السويدان
وتصنيفه وتقسيمه للأشهر وكل شي في هذي المدونة يحفز على التدوين وتسجيل المواعيد والإنجازات والأشياء السعيدة ()
وأنا أفكر أني أنا أصمم مثل كذا خاصة فيني ،
بس هي مجرّد فكرة أستصعب تطبيقها =) -
وأن أشعر بالسعادة لوجود أرواح نقيّة مثلكم ، أتمنى رؤيتها :"")
أما لو أعطيكم دورات ، أتوقع مدّة الدورة بتكون يوم واحد ولاتتعدى نصف ساعة :p -
وعليكم السلام ورحمة الله وبركاته ()
يا حبيبتي :"""
يالله ، كلامك وقفت عنده وقت طوييييل :"
أنتِ بالحروف هذي حركتِ شي بقلبي
وياربّ تكونين من الي يشفعون لي بدخول الجنّة :"")
أحبك أكثر في الله
الأرواح جنود مجنّدة
أؤمن بها كثيرًا ، والآن آآآآآآمنت بها أكثر !
بشوق لحديثكِ ،
و للجنّة
لأغصان تتدلى من فوقنا
لسرر مُتقابلة
لأصدقاء الجنّة
للقاءات لاتنتهي
ياربّها ، لاتحرمنا :") -
أنا سعيييييدة لأني أشبه الوفاء في أشياء كثيرة :")
ياربّ وفقها ، وأسعدها ، وسخر لها .
والله يتمم لنا على خير ^^
وآمين ياربّ ، وهذا أقل مانقدمه لدين عظيم ننتمي له () -
وأنتم البذور التي تنبت يا بشاير ،
لتكونوا يومًا كـ شجرة :"
يمتد أثركم لبشر آخرييييييييين ()
أنا فقط أهيئ الأرض لتنبت =)
لا أستخدم سوى imovie
وهو من البرامج الأساسية في نظام mac
وأهلًا بكِ بشاير () -
:"") حبّك ربّي ونادى بحبك ملائكة السماء وأهل الأرض ()
-
أروى :")
والله أي شخص ينبض قلبه إبداع وتميز ،
هو الي يرى الأشياء البسيطة بهذه النظرة
صدقيني () -
asked by RORO76
أهلًا بكِ :")
أعتذر على التأخير ()
عندي مشاكل مع هالموقع ><
يا رورو ، البرنامج اسمه
imovie
أنا ( فرحة ) أكثثر بوجودك :") -
ميّ
أنتِ على بالي والله ♥
طريتك قبل كم يوم ، لو أدري طاريك بيجيبك كان من زمان طريتك < فكم طاري في ذلك :D
حبيبتي ياربّ أنكِ بخيير :")
فرحني وجودك هنا والله يا ميّ
ويحفظك ربّي ويسعدك ♥ ♥ ♥
وبي من الأشواق مالله به عليم ^^ -
اااالله
أسعدني السؤال قد أكثثثر شي بالدنيا
من زمان ماجاتني اسئلة في مجال تخصصي الحبيب :")
الخجل ،
تحسينه عقدة وشي يعوقك عن أنك تمارسين أشياء بسيطة !
والخجل شي جميل والله ،
تذكري :
الرسول اللهم صلي وسلم عليه (كان أشد حياءً من العذراء في خدرها )
هل حياء حبيبنا منعه من التواصل مع الناس أو مساعدتهم :")
صدقيني ،
الي خلّاكِ خجولة هو الي بيحلّ لكَ المُشكلة
أقصد لو عرفتِ وش سبب خجلك ، ومن أيش ، وش المواقف الي يكون خجلك فيها زايد !
من هنا تقدرين تساعدين نفسك ، لما تبدين بنقطة نقطة
ليش ؟ وكيف ؟ ومتى !
الخجل الزايد والثقة بالنفس بالغالب بالغالب مترابطين :"
فـ مُمكن تحسين ناقصك أشياء بنفسك ، فلمّا تكونين قدام أحد تحسين بخجل لأنك ماتملكينها ؟
لمّا تعرفين وش الأسباب
أمسكي واحد واحد
أبقولك بس مثال يمكن يفيدك ، أو يوصل الكلام الي في بالي :
لو مثلًا أحد من أهلك كان يحرجك قدام الناس وأنتِ صغيرة
هالشي بشكل طبيعي بيكبر معك وبتصيرين تخجلين من الناس .
الحين عرفتِ السبب .
طيب من هنا أبدي فكري
هذا شي ماضي ، والحين أنا مو مستانسة مع الناس عشان سبب وسالفة قديمة ؟
الحين مو قادرة أتقدم خطوة عشان مواقف مو راضية تطلع من راسي ؟
ولمتى بجلس كذا أربط الناس ، بمواقف صارت لي وأنا صغيرة !
الناس تتغير ، الناس تقدر تنسى طيب أنا ليش ماأتغير وأنسى ؟
وشلون أنسى !
أتعلم من جديد ، مُب مشكلة وأنا في هالعمر أتعلم كيف أتواصل مع الناس
لاتقرين الكتب الي تقول لك حركات الجسد ولغة العيون وماأدري أيش !
هذي أكبر عائق لك لأنه يصور لنا أن الناس جمادات وإحنا الي نحركهم < وجهة نظري :$
أقصد يملي علينا تصرفات وحدة والمواقف والأشخاص يختلفون عشان كذا
لاتقرين أي كتاب يملي عليك تصرفاتك أفعل لاتفعل
تعلمي بعفوية ، الناس تختلف وردات الفعل والمواقف وكل شي يختلف
عشان كذا ابدي أول شي بشخص واحد
ادخلي مع بنت بالفصل ، مع بنت بالجامعة
مع أحد مايذكرك بطفولتك أو الموقف الي مريتي فيه
وإحنا داخلين على بداية سنة جديدة أيًا كانت مرحلتك ، بيكون سهل تدخلين مع الناس
وصل مثالي ؟
/
ممم وش بقول بعد ،
إيي
شيلي من راسك اتأزم
أنتِ وش فرقك عن الناس ؟
والناس الي قدامك في راسهم قرون ، عشان كذا تتأزمين وتخافين ؟
هاوشي نفسك بهذا الأسلوب :D
النفس لو جاريتيها وقلتِ أخاف أتأزم ، أتعقد ، أستحي
راح تصير فعلًا تتأزم وتتعقد وتخجل كثير !
عادي ، خلي الناس كأنهم أنتِ لما تشوفين نفسك بالمرايا ()
في مواقف الواحد يحس برهبة شوي منها قدام الناس
لأنها تجارب أولى
بس تعاملنا اليومي وإختلاطنا مع الناس هذا المفروض يكون بشكل طبيعي
لاتعدّي أو جرأة زائدة ولا حياء وخجل زايد .
فيه بعد نقطة
مُب لمّا يجيك شخص جريء أو شخص يتحرك ويسولف كثير
معناته هذا ماشاءالله عليه كامل مكمّل ولاعنده مشاكل ولا شي
أهم شي بالحياة يا حبيبتي نفصل بين مشاكلنا ، بين التراكمات الي نعيشها
وبين تعاملنا مع الناس ()
والمهمّ أكثر أننا نتحرك ونمارس
البداية والحل بيكون من عننندك أنتِ المهم الرغبة الصادقة على التغيير ،
وأنا مُجرد إنسانة ، أخطئ وأخطئ وأخطئ وأصيب !
وأحس أني شطحت كثيرًا ، وإلا الي في بالي كلام أكثثثر () -
-
جميع من طلبوا صداقتي مُتأكدة أن فيهم خيرًا وبركة ()
أشياء كثيرة تمنعني لا مجال لذكرها
وإلا والله أني سأسعد بقبول 67 طلب مُعلّق إلى هذا اليوم :(
وبإنتظار أسمكِ هُنا لأبحث عنكِ هُناك ^^ -
asked by Bto0olah
الحمدُ له أنها نفعتكِ
وشكرًا لأنكِ فتحتِ قلبك لمقاطع بسيطة :")
وياربّ يمتد التِأثير لعملٍ ومونتاج أراه منكِ قريبًا ^_^
سأكون سعيدة أكثثثثر والله يا بتبت
وأهلًا بكِ كثييييرة () -
أهلًا بكِ ،
وَ عليكم السلام ورحمة الله وبركاته
الله يرحمه ويجعله في نعيم وروضة من رياض الجنّة ()
سأكون سعيدة بالعمل عليها
ولكن كيف أصل للكاتبات ؟
لأني لا أعرفهم .
هل من طريقة للتواصل معهم ؟
أنا من سأزيد فخرًا يا حبيبة :")
-
Loading...
ليلـى =)
ليلـى =)’s Bio
! لـ أني أعشق المطر ؛ اهطلوا بي
