رهام بنـتٍ تتـل القلـب بأصبعهـا
ياحيّ بنت الخفوق وحـيّ طاريهـا

عصفـورةٍ كـل ماضاقـت أدلّعـهـا
وأداعب الغـرّه بيـدّي وأداريهـا

توتيّة المبسـم يـذوب الكـرز معهـا
وأذوب وتزين للخافـق مساريهـا

حتى القصايد تذوب أن جيت أسمّعهـا
رهام أعذب قصيدة حـب قاريهـا

وجهك قصيده .. أحبّك كـان مطلعهـا
غرشة عطر والسحايب من مواريها

تطيح كل النجـوم أن جيـت أطالعهـا
وتغيض كل البنات اللـي تماريهـا

وأليا مشت كل نسمه غصـب تتبعهـا
تمشي دلع كيف رب الكون باريها ؟

روحي تبعثـر غـلا فيهـا وتجمعهـا
في حسنها في غلاها من يجاريهـا

يشيلها النبض وعروقـي شوارعهـا
أن مرّت القصر أو مرّت حواريهـا

عيوني على شانهـا هلّـت مدامعهـا
ليالي العيد بانـت مـن عصاريهـا

فداهـا كـل الأمانـي لـو تضيّعهـا
وأن فداها مـدام القلـب شاريهـا

بس عـاد كلّـش ولا أنّـي أودّعهـا
لابـارك الله بالفرقـا وطاريـهـا



ومتابعتك وإعجابك من حسن حظي ودواعي سروري

ألف شكر وحيآك الله دائماً وأبداً

اتذكر وشلون نمت امس خخخ واشوف جوالي .. :$ ـ