وإنتـ/ي بخير وصحة وسلامة ..
اممم أشوف كترت أسئلة الحب والزواج دي الأيام =P
طيب نبدأ بأول سؤال ..
الحب قبل الزواج .. لو كآن حب نضيف ونهايتو زوآج فـ أنا معه وبشدة .. لإني أفضل الزوآج يكون عن حب .. الحب بيسهل حاجات كتير في الزواج وبيخفف من
المشاكل المترتبة عن إختلاف الطباع وكدا
ويكفي إنو الرسول - صلى الله عليه وسلم - ذكر في حديث صحيح إنو :
ما رأيت للمتحابين خيراً من النكاح "
دا الحديث ممكن يكون غريب على بعضنا لإنو ولا مره أحد قالنا عنو ولا درسونا هوا في مادة الحديث في المدارس .. لإننا في مجتمع يشوف كل حرف من حروف كلمة " الحب " عيب وحرام وما يسير ننطقها أو نحسها أو نفكر فيها حتى ..
فـ أنا أشوف إنو مافي أحلى من إني أنقي شريك حياتي بنفسي وعن حب وأعيش معاه طول العمر
أما بالنسبة للحب بعد الزواج .. لو إتنين ما يعرفو بعض ولا يكنو لبعض أي مشاعر وأترموا في بيت واحد وقالولهم يلا حبو بعض وأعملو عيلة ؟! إيش الي حيسير ؟
الي حيسير مو حب .. تعود أو إدعاء الحب عشان المركب تمشي .. ما أقول إنو لازم يفشل أو إنو زواج مو ناجح .. لكن في نظري حيكون خالي من العواطف الحقيقية والحب الحقيقي الي بدون سبب .. وحيكون بس تعود وتحمل عشان الأطفال ..
تاني سؤال
أتوقع يكون زواجي نتيجة حب أو زمالة عمل .. المهم يكون عن معرفة تامة وإقتناع بالطرف الآخر
..
تالت سؤال
امممم ما أتمنى يحصل دا الشي .. لكن لو قدر الله وحصل .. حاحاول أخلي أساس العلاقة الإحترام المتبادل وساعتها حافكر كيف ممكن أقوي العلاقة
..
رابع سؤال
نفسي أحقق مع زوجي النجاح في كل حاجة .. سواء في البيت أو الشغل أو التربية .. نفسي يكون زواجنا مضرب مثل على شكل الزواج الناجح .. نفسي تكوني إنطلاقة حقيقية بالنسبالي وبالنسبالو وما يكون عائق بالعكس يكون حافز لينا عشان ننجح ونبدع ونوصل للي نباه سوا .. بإختصار نفسي يكون زواج غير ^^
..
خامس سؤال
بيان اليوم .. إنسانة تبحث عن الحرية وعن بداية الإنطلاقة الحقيقية لنجاحها ولبدء تنفيذ دورها في الحياة .. إنسانة تطمح لإنها تكون أفضل فكرياً وثقافياً .. وبيان الي أتمنى إنها تكون في المستقبل .. إمرأة مستقلة وناجحة و مثقفة وفعالة في المجتمع وتعرف إيش تبى بالزبط وتعرف كيف ترسم خطواتها .. وأم عظيمة ومثالية
=)