معليش حيجي يوم توصل عالوقت .. وأنا تحت عمرك في أي وقت مو شرط وقت النقاش حتى سواء هنا أو بتويتر =) .. وبالنسبة للعمل بالخارج فمثل ما قلتلك فهو وسيلة توصل بيها لهدفك وليست هدف بحد ذاته .. ربي يوفقك للي فيه الخير

الشغل بالخارج له مميزات كثيرة جدا .. غير الخبرة العملية انتا حتشوف ثقافات وأنظمة مختلفة عن اللي تعودنا عليها .. تتعلم الإعتماد على النفس بشكل مختلف .. أنصح بها جداً في حالك ما كان عندك التزامات تربط بالعمل في السعودية .. الكووب بالخارج ممكن يعطيك فكرة عن الحياة برا قبل ما تشتغل .. لكن بالمقابل ترى الغربة ماهي سهلة =) .. عن نفسي كانت متعبة شوية حكاية انك بعيد عن أهلك وناسك وأحبابك .. لو عندك هدف انك تتعلم وتاخذ خبرة عملية وهذا الشي واضح عندك بقولك روح اشتغل برا راح تتعلم أكثر بكثير من اللي عندنا .. مش قاعدة عامة طبعا .. استخير دايما وحط أهداف واضحة لنفسك .. اش تبغى تصير خلال فترة زمنية معينة

لا مش شرط أشتغل برا يعني مهاجر =) .. هي فرصة أكتسب فيها الخبرة وأتعلم فيها شيء يفيدني إن شاء الله لما أرجع بلدي .. ما عندي نية أعيش برا طول عمري وإن شاء الله في أقرب فرصة راح أحاول إني أرجع السعودية سواء بنفس الشركة أو شركة أخرى .. وكلو بيد ربنا أولا وأخيرا

لا

مساك نور هدى .. أولا أعتذر عن التأخر في الرد .. أي رأي باستفاضة يتطلب روقان .. وجا دحين =) ..
أمور كثيرة وضعها مش ولا بد عندنا .. معظمها الحمدلله ما زالت لا بأس ولكن بعضها استفحم السوء فيه للأسف

ما راح أتطرق لقضية المرأة هالمرة لأننا تكلمنا كثير والموضوع مهو بيدنا حاليا والوضع يتحسن شوية شوية .. في مسألتين تثير قلقي كثير

الأولى حال التعليم في بلدنا سيء جدا للأسف .. بعيدا عن سوء المناهج أو المباني .. حتكلم بالخصوص عن قلة الإحساس بالمسؤولية عند كثير ممن أصبحوا مدرسين .. قليل منهم يحس بعظمة هذي الأمانة اللي بيده .. تصرفك وجديتك مع طلابك في مسألة التعليم راح تحدد مستقبل هالطفل ومستقبل البلد بكامله .. أنا ضد اعتبار مهنة المعلم مجرد دوام وخلاص .. يلزمها ناس تحس فعلا انها بتسوي شي عظيم

أكيد جزء كبير من اللوم يقع على الوزارة عندنا لأنها باللي تسويه حاليا بتخلي مهنة المدرس اقل مهنة مطلوبة لانعدام المحفزات .. دول مجاورة المدرس عندهم يعتبر أعلى من المهندس أو الطبيب .. بس يبقى بيد الفرد إنه يحدث التغيير بنفسه .. يبقى دور الأهل إنهم يكملوا الناقص من تعليم المدارس

قضية ثانية في بالي وهي القبلية الجاهلية للأسف .. بس الموضوع معلوم وما يحتاج أتعمق فيه =)

وأعتذر على الاستفاضة المختصرة =)

شكرا لك =) .. وخلينا نشوف كلماتك منك

يسعدني إنو في أحد يشوف هذا العمل ممتع .. ومثل ما قلتي يتطلب الجدية والدقة .. ربي يوفقك

What do you think !?

تحت أمرك أي وقت =)

يمكن في عيلة جنيد تانية من تعز أو كدا .. في منهم سادة وفي منهم غير سادة =)

مساء النور والسرور .. كلامك سليم أصولنا من وادي حضرموت .. اللي هو ضمن اليمن حاليا =)

السوفليه بلا اي منازع

الثلاث سنوات هي الحالة المثالية وليست دائما حاصلة وماهو شيء توعد بيه الشركة ..في ناس مستمرين بالحقل أكثر من 5 سنوات .. تعتمد على الشخص وقدرته وتفوقه في العمل واكتسابه للترقيات .. بالنسبة لمضايقات الفتيات ماهو شيء منتشر الحمدلله .. بس تصير حالات نادرة للأسف .. الشركة فيها نظام صارم جدا بالنسبة لهذا الموضوع .. ولكن المشكلة تكون لما نتعامل مع شركات أخرى في الحقل .. بس هو شيء نادر جدا حدوث مثل هذه المضايقات زي ما قلت .. بعض الدول تفرض نظام على الشركات بتوفير غرف خاصة للفتيات في الحقل .. بس بعضها لا.. وأحيانا يكون الرق زحمة فتضطر البنت تشارك غرفتها برجال .. عالم قاس =) ..صح؟

شلمبرجير شركة ممتازة من ناحية التدريب والنظام زي ماقلتي .. لكنها تتطلب قلب قوي جدا =) .. طبيعة العمل فيها (وفي مجال النفط والغاز بشكل عام) في أول ثلاث سنوات تقريبا تتطلب إنها تكون في الحقل .. بعيدا عن المكاتب والملابس الرسمية الجميلة والمكيفات ..مثلا تصل أحيانا لشهور متتابعة من السكن في الصحراء بدون أي إرسال هاتف .. تتطلب السفر مع أناس ما تعرفيهم والتعامل معهم بشكل دائم .. و95% من الناس في هذا المجال رجال .. فدايما أقول للي بيدخل هذا المجال سواء رجل أو فتاة المسألة تعتمد أولا وأخيرا على رغبتك .. اذا مستعدة تتخلي عن الحياة الطبيعية والإجتماعية لبضع سنوات فشلمبرجير مكان جدا ممتاز .. ولكن لو فكرتك عن العمل إنه دوام ثابت وساعات مكتبية محددة وعلاقاتك بأصدقائك مهمة .. فحتكون شلمبرجير مش الاختيار المثالي لك .. في بنات ماشاء الله تجاربهم كانت ناجحة مع هذي الحياة .. وبنات ما قدروا يكملوا أسبوع =) .. في الأخير انتي استخيري وشوفي اش يناسبك ونفسك فيه .. ولو تحبي أي تفاصيل أكثر أنا تحت أمرك

لا مافي أي ازعاج =)

سؤال أم أسئلة هههه =) .. سأجيب على معظمها:

سؤال نرفزني: لم يأتي هذا السؤال بعد ولا أظن أنه سيأتي كون الاجابة عن الاسئلة هنا اختيارية
سؤال أتمنى أن لا يسألني عنه أحد: الأمور الشخصية الخاصة لا أظن أن مكانها هنا .. لذا تكون إجاباتي عنها سطحية
شخصية أحمد: أترك معرفة شخصية أحمد لكم وعن طريقكم .. لديكم الفلكر والتويتر والمدونة
شخصيات تنرفزني: الشخصيات السلبية .. التي ترى الجانب السلبي دائما في كل شيء
شخصيات تجذبني: أحب التلقائيين .. أحب من يكون على طبيعته دائما

استخرت واستشرت قبل اتخاذ اي قرار والحمدلله .. اي عمل في العالم لابد وان يكون صعب ومتعب ولكن على المدى الطويل يعود بالفائدة .. ربما كانت الغربة هي الموضوع المتعب في الموضوع الذي لو كان بيدي لما اخترت العمل بالخارج =)

تسلمي هدى =)

اهلين هدى .. ربي يسعدك ويسعد ايامك وما يجيك اي شر .. لا الحمدلله أموري بخير بس ماخذ شوي فترة نقاهة من تويتر باقيلها شوية وتخلص =)

BOTH !!!!!