بدت العطله يوم جت خالتي وعيالها من الرياض.
في الصّباح الباكر من الخميساء (الخميس) رحت انا وعيال خالتي ل الكايف اللي ب الخماسين مصبّحين عليه من الساعه 6 و ما فتح الاّ 7, و واعدنا سحيم وعبد الإله هناك, وأفطرنا مابه أحلى منه, الاّ انّـها غريـبه منه الكايف ذاك اليوم انّـه ماجاب صحن الفول يغلي زي كلّ مرّه :*
,يوم الجمعه رحنا أنا وعيال خالتي نسلّم على خالتي دليـّـل (خالة امّي تصير خالتي) ف فتح الباب علينا احفادها فصّولي ومدري من الثاني قلنالهم وين خالتي قالوا راحت الرياض, شوي ويطلع علينا الشايـب الله يطوّل بعُمره بن هديـبان, رجلها, يقول قد لها اسبوع في الرياض, و لزّم علينا بسّ عاد لو خالتي فيه كان جلسنا.
السّـبت عند خالتي بدره (أو بـيت خالي عبد الرحمن) ما شاء الله, عندهم في مزرعتهم اللي في بـيتهم حركات ومنها التوت, ف ولد خالتي من الرياض ودّه به, ف جلسنا نخرف ونـنـتّـف من يمين ويسار, وكان شوي لإن الورعان والبنات مقطّعين قبلنا, وجلسنا نداعب خروفهم العير, نمسكه من عند قرونه ونجرّه ويجرّنا لين حسّيت انظذي بكسره قريـنه فهوّنـت @:
يوم الإحد رحنا ل محلّ كازا كافي نـتابع مباراة الهلال والنصر , اليوفي و الإنـتر ميلان, طبعا ً طلبنا مشروب بارد موكا, رايق, بس في الأخير لاجيـت تخلّص الكاس يجيك طعمه ثلج ماء كذا موب زين #:
الإثنين جا عبّـود حميد من الرياض, دزّينا على طول ل مزرعة آل سويس وخذينا أظن رزّ بُخاري, شاهدنا موقـف غريـب, واحد من عيال آل سويس نزّل أهله في نصّ المحور ولا معهم عيال كبار وهو مشى خلاّهن وراه!!
الثلوث عوّدنا لبـيت خالي عبد الرحمن نخرف التوت خخخ :@ عاد أنا صامل, فصخت ثوبي على جمب, و ب الثنيله والصراويل لحالي رحت فوق كبرة المسبح وآخذ السّطل كنّي أخرف النخله :* وألقى اوّل مارقيت بسيسه هشّيتها على شان ما ازهّدبها وانا "أخرف" المهم واقطّع واجد والله حتّى العيال يقول خلاص حوّل, هم بعد يقطّعون من تحت, وبعد ماخلصت والله يدي ملطّخه ب الحمار, كنّي ذابحن واحد :@ بسّ من جدّ شي وتجربه جميله :*
الربوع... الربوع طال عُمرك هو أكثر حدث جديد وغريـب وصار فيه أشياء واجد بغت تقطّع قليـبي!
قالوا خالاتي مشينا ل العبـيله حقّت آل سويس, قصو هناك بعيـيـيده مرّه, 80 كيلو إن لم اُبالغ, طبعا ً اللّي يدلّها موب أي واحد, خالي عبد الرحمن هو الدلاّل, رحنا ب 3 مواتر, موتري اليوكَن, وموتر خالي عبد ارحمن الجيـب, وموتر عبّود الهايلكس, الطريق عاد اللّهم لا شماته كلّه الاّ شوي رادميه, راسك ينخضّ خضّ "على قولة النسوان لو فيني ولد كان طاح" خالاتي بجمبي وامّي يقولن لبعض "جبتي البنادول, راسي بدى" المهم وصلنا بسلام, البوّابه مسكّره والقـفل حقّها داخل الماصوره موب برّى على شان ماينسرق غنمهم اللي داخل.
وجلس خالي يـبي يكلّم بن سويس على شان يفتح له, لكن مابه شبكه زينه, لين رقى ذاك الطعيس ويلقط شبكه ويقولّه, شوي جانا أبو علي اليمني الصغير ويفتح البوّابه لنا.
ونمشي ونـتفرّج, شوي وقــّـفنا, ويلقّطون الشغّالات طماط واللي يصوّر وحلّ وقت صلاة العصر, ونصلّي ونغيـّـر مكانـنا إلى مكان مرتفع فيه بـيت مهجور, وإنّـا نمشي, شوي أشوف من بعيد ماصوره بلاستيكيه معترضه على الطريق اللي نمشي فيه أشوفها وأبعد عنها إشوي الاّ وآطاها وأسمع صوت الكفَر, لكن قلت يمكنها نشبت بـين الكفَر, بدّ لا وقّـفت أشوفها, يوم وقّـفنا عند وجهتـنا, الاّ وطلع يا عزيزي الماصوره ماتمزح شقّـت الرفرف أو الصدّام القدّامي من جمبه و فكّت الجلده اللي فوق الكفَره, عاد شافها خالي عبد الرحمن وأخذ السيم وربط الجلده اللي طايحه و الشقّ قال ماله حلّ الاّ انّك تخيّـطه, وأنا أتابع خالي عبد الرحمن وهو يربط السيم ب الجلده أقول في نفسي ياقلبي, توجع القلب وش جابني هناه؟
المهم طلعنا من مكانـنا ذاه, ورحنا لمكان فيه محْور, وجلسنا كلنا النسوان والرقال هم هناك وانّا هناك نـتقهوى ونشرب قهوه وشاهي, إشوي وجانا دحيم ولد علي بن سويس, هذا ما شاء الله عليه راعي مزراع, ونسلّم عليه ويقول لاجيتوا تروحون ب يعطونكم العمّال طماط ودوم ومدري وش بعد, إشوي وإنّـا جالسين حلّ اللّيل والنسون جمبنا إذا بهم يُصراخون! وش العلم؟ مرّت من عندهم خنيفسه وأنواع الصياح @:
وصلّينا المغرب وعطونا العمّال كراتين الخضّره, و مشينا, ولا اذّنت ب المسجد لامغرب ولاعصر =P
الخميس صملوا العيال نروح من بعد الظهر ل المقصوره, بسّ رحنا الساعه 2:00 قلنا بنطلب نصّ مضغوط ونصّ مدري ويش @:
المهم طلبنا, وجلسنا في جلساتهم اللي مكيّـافاتها طافيه بلاّ زينه! و نـنـتظر و نـنـتظر... مرّت ثلث ساعه ولا جا طلبنا, وش السالفه يا عيال؟ طلع إن فيه شباب غيرنا طالبـين نفس الطلب وخذو طلبنا بدون إذنـنا حتّى!! المهم قلنا ماهيـب مشكله, نـنـتظر دام السالفه كذا, إشوي ويلطعنا ثلث ساعه ثانيه, يا ولد! إشوي عاد جا طلبنا, فتشنا القصديره بنمسّي ب الله وما صدّقنا, طلع انّه معطينا رزّ بشاوري وإنّا طالبـين مضغوط ومدري وش الثاني, يا بو علي تعال تعال خذ رزّك, و نـتـفاهم معه قال إنّه أصلا ً مافيه مضفوط من الساعه وحده 1:00 انّـا: طيّـب يابو علي مايصلح هـ الكلام, محاسبكم يقول فيه. وأبو علي يقول المحاسب أصلا ً خبل! المهم رحنا نـتفاهم مع الإداره, نـنـتظر حول ال 40 دقيقه في الأخير بعد طلب مهوب لنا, مهوب صحيح هـ الكلام, قام يقول أبد ي الفلان المحاسب عطهم فلوسهم ولو يـبون زود عليه عطهم ايّـاه.
المهم طلعنا من عنده, ما عندنا مشكله ناكل رزّ البشوري حقّه, لكن نبي نأدّبه على شان ما عاد يلطعنا على غير سنع.
ونروح بعد العصر ناخذ صاروخ إيراني, في أجواء اوروبـيـّـه بمزرعة آل سويس, وبعد ما خلصنا الصورايخ, انا مروّق وولد خالتي, نـتعلّق في الموتر ورجلينا ب الوطّايات وفلّه @:
في اللّـيل فيه لعب خبـيتي, ولنا خوي هناك نعرفه, العيال قالوا بنروح تجي معنا, قلت أجي معكم, بسّ في الأخير ما أعجبني, يعني شي تحت مستواي, بوب زين والمشكله كان في ليلة جمعه وليله ممطره ):
اليوم الجمعه, يوم حزين خالتي وعيالها راحوا ل الرياض, ماعليه ب أستقبلهم مطر هناك يا لبـّـيـه, وراح وقـت كثير وأنا أكتب هذا الشي لك [؛



أنـت اللي قلت لي ب التفصيل المُمل, ولاّ =P

لإنّـك أحلى =P
ابد, إذا عندي سؤال ما اخلّـيه في صندوق الأسئله [؛

عن ايّ مُنـتدى تـتـحدّث يا هذا!!
مشارك مع منـتديات واجد, لكن لي أكثر من سنـتين ما عاد صرت أدخلها بأستمرار.

إذا جيت مع نفسك مافيه أحد حولك, يا شيخ أطرب مع نفسك.
سؤال شاطح :*

لأه...
ب أقول لك سرّ, "ما أتعاطى الجوّالات الحديثه" [؛

اوّل فيس تعرّفت عليه, كان مُستخدم قديما ً كثيرا ً من قبل الكثير من المُبتدئين, أليس كذلك [؛ ؟
تعني لي, حاليّـا ً احسّها إبتسامة تصريف, وراه شي =P

Indonesian food, was really really WEIRD and something new to eat :*
Little bit "like it" @:

المظلوم أقدر اسمّيه "المُغـتصب" مأخوذ حقه من دون أذنه, هو اللي يُـقال عنه أشياء ماهيـب فيه, هو المسروق...
و من الظلم, ظُلم النـفس بإن تـقوم بأيّ ذنب كان,
والله تعالى علـوّا ً كبـيرَ حرّم على نفسه الظلم "في الحديث القدسي(يا عبادي إنّي حرّمتُ الظلم على نفسي...)" , فكيف إحنا نظلم أنفسنا!!!


*ما أقول أني ما أرتكب ذنوب, مانيـب معصوم, لكن لعلّ في النصيحه خير.

ثمان تعش
10 + 5 + 3
2 × 9
20 - 2

رايق =P

من أنا!!!
تابع أجوبتي هُنا, أمش معيَ أكثر, أخلص لي أخلص لك أكثر, بتعرفني هيك أكثر وأكثر @:

بدون تكبّـر نعم بكلّ فخر, لكن أحبّ أحتفظ بها لنفسي ولمن يعرفها :*

عفواً @:

شــُـكرا ً لك أنـت, حتى أنـت أخلاقك أحسن من بعض الناس [:

ما قلت "يغشّشون" ولاّ "اغشّ" قلت يمشّون أي؛ الأمور عندهم موب مُشدّده زي ما في جامعات الرياض وغيرها, الدكتور سهل معك.
ب النسبه لي, ب أجتهد وأبذل قوّتي في الدراسه بعون الله, لكن مانيـب إنسان كامل, لزوم الدكتور يساعدك يا عزيزي!

قصدك حلـْم تحقــّـق...
نعم, الحمد لله, تحلّمت بإن الوادي جاها مطر :* وفعْـلا ً من أمس والخير عندنا.

أحسن لي, صحّ كلامك.
لكن الظروف تربط الواحد, اهمّها امّـي تقول أجلس عندنا!
ولاّ خالتي هناك تـقول تعال وتـنـصحني انّي أجي عندهم [؛


ويا رجّـال, الله يكتب اللي فيه خير, هُنا في الوادي, الدخاتره الهنود يمشّون الواحد, لعلَّ في الأمر خير :*

ت ع ب ت.
أبي ع ط ل ه أقابل ا لأ ح ب ا ب [:

Apple Pie <3

أيّ نوع من الفطاير تفضّل ؟
فطيرة التفــّـاح, وهي مبرّده بعد, يالبـّـى :*

و عليكَ السّـلام ورحمة الله.

قارون, اللي يملك كنوز الدُنيا فتكبـّـر على الله وخسف الله به.
فرعون.
أبو لؤلؤه المجوسي, قاتل ومُغتال عُمر بن خطّاب رضي الله عنه, وأزيدك وهو ظاهر من المسجد بعد ما طعن عُمر ثلاث طعنات مسمومه طعن 13 مصلّي ومات 7 منهم!
النمرود, اللي حاجّ خليل الله سيّدنا إبراهيم "فبُهت الذي كفر"
وأظن بشّار الأسد راح يدخل تاريخ أحقر الحقيرين وأعدى عدوّ للمسلمين, راح يدخله من أوسع أبوابه.

الحُب حبله طويل :*
صُحبتك سُمعتك.