الله يحييك ويبقيك يا فخفوخي < بالخير ياالمتين هههه


ههههههههههههههههههههههههههههههههههه هذا اللي أنت خايفن منه يا شايب قريح
خلاص نخلي المغبرة تدعي لك إن مايجيك أسئلة تسأل عن عمرك واسمك يا خالد هههههه
..

المدرج أدخله بس مثلي مثل [ خروف العيد ] الله يذكره بالخير ههههه
[صراحة من يوم طلعنا من الآسيوية ذد ذوب آهن وأنا ماني قادر أتخيل إن بيجي يوم للهلاليين وينقسمون إلى أحزاب مثل ذلك اليوم إلى يومنا الحالي ! بصراحة يا فخري وضع المدرج فيه إنفلات غير طبيعي
سواء بـ تحزّبات ( الشامتين ) و ( المطبلين ) وأصحاب اليوزرات المشبوهه !!

من متى وهلالنا ينقسم جمهوره مابين جمهور يوسف وسامي وياسر ؟
ومن متى وهلالنا ينقسم جمهوره مابين جمهور ( ابن مساعد ) و ( بندر ) ؟!
ووووو أشياء كثيرة للأسف صايره وسط سكوت وفرجة أخواننا المشرفين ..
للأسف ألفاظ كنا نسمعها من المدرجات الأصفرين والطحالب أصبحت تُـكتب في الشبكة ! وياليت الأمر توقّـف عند ألفاظ , وإنما تعدّى إلى أشد من ذلك وأصبح بعض { المعتوهين } يقذفون أحد لعيبتنا !
ياإلهي ماكنت أتوقع إنه بيجي اليوم اللي بيتنصّـر مُـدرجنا ! وللأسف أصبحت بعض منجزات أساطيرنا محل تندر وتهكم من قبل بعض اليوزرات وسط تفرج من المشرفين !

اللي ينقصه سلّـمك الله هو :

- وضع لجنة إخبارية لنقل الأخبار اليومية من الصحف ,بدلاً من الفوضى والإجتهاد أحياناً ..

- أن يتم وضع إستفتاء لـ الأعضاء بشأن رأيهم عن رضاهم عن المشرفين , حتى تكون هناك موازنه في حالة الرضا لدى الأعضاء لإن فيه أعضاء لهم ثقلهم إمتنعوا عن المشاركة بسبب بعض مواقف سابقة أحدهم .

أن يتم تصفية اليوزرات المشبوهة وذلك من خلال عدد الإبلاغ عنهم بالمشاركات السيئة .

- وضع خاصّـيه للمصوتين في التقييم الذي يطرح بعد نهاية كل مباراة لإنه للأسف أصبح مرتع لـ مُـصفّـيي الحسباات والمطبلين !.

- وضع خاصية تقييم المواضيع قبل طرحها ويستثنى من التقييم اصحاب اليزرات المعروفة بحبها وإخلاصها وطرحها للمواضيع التي تعود بالنفع والفائدة بالمدرج ..

بداية متابعتي له من أواخر 2007 - الآن
..

منووورني يابعدي ويشهد علي الله إني أحبك فيه وأغليك يابعدي
يكفيني إنك تمحط لي إسمك في كل اسئلتك وهذي لحاااله
وأبشر بالجغفه إذا صرت تنافسن بالفانتزي هههه

الله يجزاك خير يا سلطان واربي إن فرحت وماصدق خبر إني ألآقي صفحة محمد بن فيصل بالتويتر
بصراحة من قووة إني بستنر هناك أتوقع بـ يعطيني الباسووورد حق حسابه ههههه


محطته بترحيب بس عجزت أعبر لإني في حالة ( خقق ) مع خقه مع أم الركب ههههه
هذا وانا بالكيبورد أجل بصراحة ما ألوم نفسي يوم أتنافض وأنا أسولف معه بالنادي

سللللمت يابعدي

ههههههههههههههههههه الله يسعدك يابعدي اتخيل ان ابوي بمزرعته وجالس يكتب هالكلام على الاسك مي
فورزا ابو عبدالعزيز ههههههههه

نسيت كلمات مثل ..

والله يااهو بـَو : يعني الرجال لك عليه شوي

ايا السحاة الرطبة : تقال عندمايغضب الاب على ابنه بسبب الكسل والخمول وتقال عادة عندما يسحب الابن على الحلقة بالمسجد ههه ..

يادرنقه : ياغبي .

بصبوص : اي تعني صوص وهو فرخ الدجاجة .

عسكريم : آيسكريم ..

تمفليه : اي مسرحية او تمثيليه .

بردقان : برتقال..

يويدز : يلقي نظرة..

اندزلع ياثامر : اي تعني ضف وجهك وانثبر قليلاً لإنك بتلت تكتب

هلالي وافتخر :
هلآلي صميم ماله دخل بأحد ولا يوجع راسه بـ الأحزاب اللي غزت الشبكة من تالي !!
ويبقى أبو فخري من الأعضاء اللي لما أشوف ردّه بآخر موضوع لازم أشيّـك عليه لإنه يـ إما يفيدك ويقنعك أو يخليك مبسوط بـ أسلووبه الفكاهي ... ياحبنيله بسس

**
الأسطورة :
كلـ(ـن) ينعّـم به إذا جاء طاريه وأنا منهم بالرغم من إني لم يكن بيني وبينه أي تواصل إطلاقاً
فـ الرجال كلن أجمع على محبته وإحترامه وتواضعه ..
**
El Blanco
ما ألوم رِجـلك لو شكت كايد الكود ** أتعبتها ترقى سنود المعالي

البلانكو أعتبره ( ثروة ) معلوماتيه ومن ضمن أفضل أعضاء الشبكة عندي , كم كنت أتمنى أن يعطي الشبكة في المدرج ( ربع ) مجهوداته اللي يسويها بـ رابطتنا . لله درك ياثامر وهالرجل للأمانة تخجل عندما تشكره
ولكن ما أقول إلا عسى يدينه ماتمسها النار ويشفيه مما أصابه ..
**
[[ABDULRHMAN]]
رمز العطاء وشخص غيور جداً على الشبكة , أحب أمسي عليه بالخير هالدحمي
**
مجنون الزعامة
شهادتي بـ سلطان مجروحه ورايي فيه أعتبره تجريح لمكانته بقلبي وقلوب الأعضاء اللي أحبه وفرض إحترامه عليهم .. ويكفيني إنه منووورني بـ المتصفح دايمن لا عدمناه ..
**
هلال العرب
إنسان صدوق ووفي , تشرفت والله بمعرفته بشكل كبير بـ الساحه وسبحان الله هالآدمي ذا يسحرك بـ أخلاقة وقوة حُـجته وصِـدق منطقه وأراءه السليمة ..
أسميه ( صوت الحق ) وملجم أصحاب الأفكار الدخيله على مجتمعنا وياما سنترت بمواضيع بـ الساحة أتابع نقاشاته وتحجيره للفئات الدخيله وأصحاب الأفكار الغريبه ..
الله يكثر من أمثاله ويكفيني إنه زميل مهنة بـ المستقبل القريب بإذن الله ..

مافيني صفة تميزني وتعمل الفارق عن البقية ولكن يمكن أقوول عن نفسي إني صفاتي إستقلالية عن أهواء الشباب وخصوصاً اللي بأعماري ..مثلاً :


اغلب أخوياي يـ شيشه أو دخان .. أنا من أكبر مضيّقي الخناق عليهم ههه..

مؤسس فكرة { المحاربة ضد المفحطين } أيام اولى ثانوي حتى وقتنا الحالي , وسابقاً لا يخلو مجلس إلا وأنواع اللجّـه أنا واصحاب الفكر المُـعارِض هههه إلين يالله لك الحمد إنضم لحزبي { ثُـلّـة } منهم ..

أغلب الشباب يحطون شعارات وشالات الأندية بسياراتهم .. أنا أخالفهم بهالشي جملة وتفصيلاً خصوصاً اخوياي زملاء الجامعه , لإن المُـدرس أو ( المُـطبّق ) إذا كان لا يعكس صورة تشعر الطلاب بأنه قدوة لهم فهذه كارثة لإنه وش بقّـى للمراهقين ؟ لاسيما وإن المدرس يعكس وينمي ثقافته على طلابه كلما أحبّوه وتعلقوا فيه ..

تمسّـكي بـ المظهر اللائق اللي يعبر عن ثقافتنا اللي توارثناها , الا وهي اللبس السعودي { الشماغ والثوب }
لدرجة إن العيال يقولون من سابع المستحيلات نشوفك لابس جينز داخل السعودية هههه وهذا قصور بفهمهم لإن قناعتي تقول لكل مقام مقال . والواحد بيصلي بالمسجد مع الجماعة يتسحي يكون لابس هالبدلات , أو احيانا يصادف اشخاص وهو بهاذا اللبس ..

مدري أنا جاوبت على سؤالك أو درعمت ههه؟

هلآ بك أكثر ..

ايه هيّـن بس إقالك ماشاء الله ( مرّي ) ههه أجل عرفت من أسلوبي ههههه
يازين لملمة حروف ومحتواها ويكفيك إنها تتبع لأحد أعضاء الشبكة ومن أفضل الكُـتاب لدي ..

بالنسبة للتدخين والشيشه وكل أنواع التبغ موقفي ولله الحمد مثل موقف المملكة مع إسرائيل , وللأسف إن الشيشه والدخان غزت الإستراحات وأصبح نادر جداً ممن لا يدخن أو يشيش !! فقضيتي مع هالتبغ تترتب عليها أشياء كثيرة الا وهي من منظور صحّـي وإجتماعي و إقتصادي !..

شهرياً توافينا الأخبار عن عدد حالات المتوفين بسرطان الرئة أو الحلق والشريايين بسبب هذا السُـم القاتل ونرى مكافحة التدخين تصدر تقارير مهوّه ومذهلة بشأن النواتج السلبية على مجتمعنا وإرتفاع نسبة المدخنين (الله يعافيهم ولا يبلانا ) , هالحين تشوف بزران مابعد بلغت وتلقاهم يتفيخرون بالتدخين !
وفئة أخرى تتحايل على هالشي وتردد مقولة ( الشيشه أخف من التدخين ) من ناحية الأضرار !
وياليت تخش هالرابط هذا وتشوف باقي التفاصيل:
http://www.tcp-sa.org/uni-day/cover/

إجتماعياً كم نرى أباء رحلوا عن أبناءهم بسبب هذا السُـم القاتل !
كم من مرض ينقله هذا الداء بين الزوجين والأمراض الوراثية الناتجة من هذا الداء ؟
للأسف أصبح الأطفال يسبقون المراهقين بـ الشعور بالفخر والمرجلة .. وخررر عني تراي أدخّن وأنا رجل ..

إقتصادياً
حتى مع رفع أسعار البكـت إلى 8 ريال لن يُـجدي ذلك ولن يمنعهم لإنها مقدورً عليها , ولكن كم كنت أتمنى من وزارة الصحة أن تصدر تقارير سنويه عن حجم اميزانيات المصروفه لـ معالجة مرضى التدخين , وبعد ذلك يصدر مجلس الشورى قرارً بمنعه نهائياً أو رفعه إلى مبلغ لا يقل عن 50 ريال حتى يكُـف كل شيخ عن هذا الداء أو يضطر إلى ( ذل ) نفسه من أجل أن يترجى غيره وهكذا حتى يمتنع نهائياً ..
مصيبة أن تدفع شهرياً مايقارب الـ 200 - 150 ريال وتتغاضى عن حاجة الفقراء المحتاجين اللي ماليين المساجد أو حتى عن طريق الجمعيات الخيرية , فمالٌ ينفعك مستقبلاً أحسن من مال ربما تُـنفق أضعافه لِـمعالجة بدنك !!

- - - - -

المرأة والقيادة ..!!
اصبحت قضية لمن لا يجد قضيّـة !
برأيي إن اليادة لها سلبياتها أكثر بأضعاف مضاعفة من إيجابياتها
مشكلة القيادة لسيت مشكلة بين ( علمانيين و ليبراليين ضد المحافظين ) إنما هي مشكلة مجتمع قبل كل شي ,
فـ منذ تأسيس هذه البلاد إلى وقتنا الحاظر لم نسمع إن الحريم سابقاً قد سبق لهن القيادة ( سواء على المواشي أو غيرها ) , حتى الملك عبدالله ( أطال الله في عمره ) جعل الكُـرَه بين شعبه فلا هو اللي رفض ولا هو اللي أعطى موافقته , وإنما قال هذا القرار بينكم .. وبعيداً عن رأي ولاة الأمر , لو نظرنا إلى القيادة من نظرة خُـلقية و إجتماعية وإقتصادية نرى كالتالي :

* خُـلقية : لم يسلم منها الأحداث فما بالك البنات ؟ يعني مثل مانقرأ في الأخبار من أحداث الخطف لـ الأولاد , فما بالك إذا كانت بنت ضعيفة رقيقه لا تُـجاري عنف هؤلاء السُوقيين وتصرفاتهم الغير أخلاقية ؟
وش موقف البنت لو تعرّضت بسيارتها إلى ( تطويق ) من الشباب الهمج ؟

أقرب مثال شفته بعيني هي في إحتفالات مهرجان هلا فبراير بالكويت قبل عامين
في شارع الخليج العربي أكثر السيارات التي تتعرض إلى مهاجمة وإحتكاكات وتميلح هي سيارات البنات
( الشابات ) !


* إجتماعية ( إن ) سُـمح للبنات في قيادة السيارة فهذا يعني { هجر } للبيت وقضاء معظم الوقت بالخارج
فإذا الولد ينخاف عليه أول مايسوق أجل كيف البنت اللي ماتعودوا أهلها تطلع من البيت بلحالها ؟
وأعتقد إنها فرصة لـ المغزلجيّـة لكي يجعلوا من هذا السبيل فرصة للإلتقاء ومايترتب عليه .


* إقتصادية .. إذا حسبنا عدد البنات وإستذكرنا إن عددهن يتفوق على عدد الذكور فمـا هو حجم الإنفاق الأسري على وساائل النقل ؟ , إذا إن الاب مايقدر يشتري لعياله إلا إذا تعدوا الثانوية وبين كل ولد وولد سنة أجل كيف لو اضفنا لهم البنات ؟
إذا إن الشوارع أصبحت مزدحمة بالسيارات , أجل كيف بتكون لو سمح لهن بالقيادة ؟

هذا هو موقفي ومايترتب عليه إنني أرفض هذه الفكرة لإن تباعاتها رااح تُـغير من ثقافة المجتمع 180درجة

يابعدي ياسلطان ..

تصدق ياخالفهم إني ماشفت ولاتابعت أي حدث بالأسبوع الماضي ماعدا مداخلة أبو سلطان
والله يانا تشققت من الفرحة , مدري وش مسوين بي هالمهبول قسسم بالله تسني هِـدر ماغير بس أتبسم وانا اسمع كلامه

سقى الله أايامك يانسل الملوك

خشش الرابط يابعدي

http://www.alhilalclub.com/vb/showpost.php?p=7738713&postcount=45

الله يمسيك بالرضا والعافية ..

منصور البلوي :
إيجابياته : نقل فريقه إلى مرحة تسمى مرحلة الإنجازات القارية وتحقيق اول بطولة عربيه لـ ناديهم , رفع من اسهم واسم نادي الاتحاد عالياً لدرجة إنه منذ توليه الرئاسة وهو يذكر إن الإتحاد هو ( ثاني ) منافس بعد الزعيم , معرفة حجمه الطبيعي عندما تمرّد على الهلال والأنظمة وعلى محمد بن فيصل تحديداً

سلبياته : جعل نادي الاتحاد يعثي بالفساد الاداري , ابعد كل اعضاء شرفهم , إستطاع أن
يكرّس نظرية أنه ( محارب ) وقد نجح في إيهام الجماهير بعد أن استنفذت حيله ضد محمد بن فيصبل , حاول اللعب بالنار مع رجالات الهلال وتجاوز انظمة البلد , شراء إعلام موالي له لدرجة انهم حاربو مصالح ناديهم بعد ( طرد معزبهم ) ,

خالد البلطان :
إيجابياته : غيّـر سياسة النادي من بيع النجوم إلى إستقطابهم , حافظ على تاريخ وحقوق الشباب ,وسّـع جماهيرية الشباب سواءً بعمله أو بمصادر جذبه للجيل القادم , إستطاع أن يقفز بـ مداخيل النادي الإستثمارية , أصبحت الجماهير الشبابية لها إستقلالية , وضع لائحة الاحتراف لحفظ حقوق النادي كاملة .

سلبياته : فشله المتكرر في تهيئة الإستقرار الإداري والفني بالنادي , الإعتماد على رجيع الأندية في اللاعبين الأجانب , شخصيته صداميه جداً

محمد بن فيصل :
إيجابياته : عرّاب الإستثمار في الرياضة السعودية ,ناجح جداً في الموازنة بـ ميزانية النادي بما يقابلها من إنجازات ( لا محدوده ) , إحياءه للمدرجات وتسمية الجمهور بالرقم الصعب , تكرار تحيته للجماهير وتقديرهم حق التقدير سواءً بالنادي أو بالملعب عندما يطوف بـ المضمار في كل مباراة , إمداد الأندية المحلية بـ الأجانب أثناء فترته الرئاسية , إجماع أعضاء الشرف عليه ماعدا ( آخر سنة ) عندما غسسسل شراع الوليد بن طلال , الإهتمام بـ الجماهير والرابطة خصوصاً , جعل نادي الهلال مضرب مثل في الإستقطابات المحلية ( أنذاك ) , حتى على اللعيبه الأجانب كانوا مُـفيدين للفريق وأمنيـة لكل الأندية , حفظ حقوق النادي القانونية .

سلبياته : تكراراه لـ نغمة الإستقالة بعد خذلان أعضاء الشرف له , تصريحه ضد الحكام , وأخيراً ( علّـقنا بحبه وخلانا ) .

عبدالرحمن بن مساعد :
إيجابياته : تطوير المنشئات في النادي , الإستثمار في عقود الأجانب , الإستقرار الإداري وتوزيع المهام كلً على حسب إختصاصه .

سلبياته : مثالي لحد الضعف , تدخله بشؤن الأندية الأخرى , الكذب , عدم حفظ حقوق اللاعبين المعنوية ( هتافات وإتهامات ) , إهدار حقوق النادي وتطاول اللجان ورؤساء الأندية علينا , عدم تطبيق مبدأ الثواب والعقاب للاعبين المتخاذلين والمُـتسيّبين , الحساسية المفرطة من النقد , عدم مبالاته وإستشعاره لـ الجماهير ( طبقاً لأخوه عبدالله ) ..


* كتبت هذا على عجالة وربما يوقعني في النسيان لـ ذكر سلبيات أو إيجابيات هؤلاء .

دمت بود

هههههههههههههههههههههههه ياحبيلك بس
مايمدين أكشخ وألبس بشت وألعب عليك ؟ هههههه بس واضح إني أشهب مانيب طخمه وكحيلان مثلهم
تلقى ي إن الثوب متعرفط أو الشماغ متشقق وأنواع الشتلات هههه

وأبو سلطان والشهادة لله ولد عمتي تقريباً شبه مرابط بالنادي ويقول والله إنه يجلس بسيارته أكثر مما يدوس مضمار النادي بسبب محاصرة الجمهور له ويتجمعون عنده قبل لاينزل منها , وهذا من حرصهم عليه , والشي الثاني إنه يعاملعهم كـ مشجع لا كـ رئيس نادي كبير ولا كـ أمير صاحب مكانة إجتماعية عالية ..

أنت جرب مع واحد كسسره من نمونة جلوي وأخوانه الهدوره ..

منووور يابعد تسبدي أنت

قابلته بنادي الرياض بمضمار الملعب خلف المرمى
سلمت عليه بحراااره وحبيته و أثنيت عليه ومثل ماتقول إني فضفضت له كل شعووري تجاهه
الشاهد إنه كان فيه جمهور كثير بيصورون معه وأنا يالله يالله تماتسنت رووحي حتى أصور معه بشكل إنفرادي

قسم بالله لو تشوف كيف يديني تنتفض تقوول تسني بي مرض سكر ههههههه

كانت هذه اللحظات في رمضان 1427 والقهر إن التوثيق كان بكاميره عادية مو رقمية ولا إحترافية !!
ولا زلت أفخر بتلك اللحظة وما أجملها من لحظة
..

منوووور يابعد تسلاي أنت يا سلطان
دمت بود

وعليكم السلام والرحمة
يا حيّـا الله سلطان ..

الحمدلله بخير يا علّـك بخير إن شاء
بشرني عن والدتك وكيف صحتها ؟

والله إنك جبتها ياسلطان وبإذن الله لي مداخلة قريبة على اللاين وأبطلب منهم إني أوجه رسالتي لـ محمد بن فيصل

الله يذكرك بالشهادة


دمت بود

ياما تحت السواهي دواهي _ أهديها لـ : بروفيسور سوداني بجامعتنا لإن هذا الشخص لا تشعر بوجوده ولكن عقليته تزن ديره بأكملها وإن تحدث ماودك يسكت أبد ..

اللي على راسه بطحا _ أهديها :فيصل بن تركي

أجيك يسلم راسك وشلون ماجيك _ أهديها لـ : ولد خالي وأعز أصدقائي / سامي

أنت بحري وأنا اليم _ أهديها إلي : نسل الملوك , الظاهرة سمو الأمير محمد بن فيصل بن سعود بن محمد

لاتحسب إني يوم تبعد ابرجيك ان جيتني حياك وان رحت عادي _ اهديها : لمن عااثت في عواطفي ودمرت كياني .. بس مافيه جيّـه أبد :)
..

دمت بود ولاعدمنا هـ الإطالة

بيني وبينك ما أقدر آخذ إنطباع لاسيما وإني تشرفت بمقابلته لـ دقائق معدوده فقط
ولكن يكفيك إنه بالنادي يجلس مع الجمهور أكثر من أي شي
,

بالنسبة للأعضاء أنا متّـخذ مبدأ { رضا الناس غاية لا تدرك } وهذا الشي يخليني أتقبل أي رفض لسياسة الظاهرة أو قراراته ووووو , ولكن أن تصل الأمور إلى تصفية الحسابات والتركيز على السلبيات فـ بالتأكيد إن أسهل ما على المرء هو ذكر مساوئ الشخص , وأعتقد لو إتخذنا هذا الشي كاان طلعنا ناكري جميل لاسميا وإن المحبة من الله , فـ أحياناً تجد الناس تجمع على محبة شخص ما ولكن هنااك فئة تخالفهم بـ مشاعرهم وهنا لا بأس فيه ولكن بشرط أن يكفّـوا أذاهم عن ممارسة الإسقاطات وتصيّـد الأخطاء !

فـ الرئيس الذهبي / بندر بن محمد .. لم يسلم من هؤلاء فما بالك برئيس يعتبر الأصغر في تاريخ الهلال ..

للأسف هناك أعضاء شوّهوا جمالية المحبة لـ هلالنا سواء رؤساءه أو لاعبينه
تجدهم يرددون مايصدر من الجماهير الأخرى بكل وقااحة !! الله لايكثر أمثالهم !
..

دمت بود

اممممممممم

هو كل ماكذب واحد كذبه قال نابليون قالها ؟؟!
متى قالها وكيف ولمن .. ومن عندده ؟؟!


انا اتوقع ان نابليون نصراوووي
لو كان هلالي كان قال
الحب قوووه وكسر خشوووم هع

لا والله لم أقابل أي قريب لـ محمد بن فيصل ولم يسبق لي أن سلّـمت على أمير سوى
محمد بن فيصل فقط , ربما لإن حضوري للنادي قليل جداً وهو ( ثلاث مرّات بالسنة ) وأنا ماني من سكان الرياض ولا أعرف أحد أقاربي له صلة بـ كبار القوم ..

ولمعلوميتك أنا توني أدري إن محمد بن فيصل له أخوان :) خبري به إنه أكبر إخوانه ..

محمد بن فيصل كله على بعضه محبوب , والله عطاني حب هالآدمي ذا لإنه هو من صنع أمجاد الهلال الحاضر وهو من أعاد الحياة للمدرجات وللملاعب بعد خلووها تماماً , وهو من إنتشل جراح الهلال بعد هروووب وتهرررب رجاله من بعد الكوااارث التي لا يمكن لأي رجل أن يكون عنده إستعداد لمواجهة هذه الضغوط الكبيرة من قبل إعلام وجمهور زعيم آسيا ,
محمد بن فيصل أحببته لإنه يحب الخير ووقف مع الكل حتى نادي النصر لم يُـستنثى من وقفاته
محمد بن فيصل حببتني فيه شجاعته لإنه ظهر في زمن الهرووب بعد كوارث عبدالله بن مساعد ! , محمد بن فيصل هزم أقوى رجل ( تحدى ) الهلال بالسر والعلن ..منصور البلوي ,
محمد بن فيصل أول من يدخل النادي وهو آخـر من يخرج منه وهذا فيه دلالة إنه يهتم بالجمهور كثيراً ويأخذ برأيهم ويحترم وجهات نظرهم ,
محمد بن فيصل فيه رووح الشباااب وتحس إنـه على طبيعته ,
محمد بن فيصل هو من هزم الكل بالصفقات المحلية أنذاك [ ياسر القحطاني ~ عبدالطيف الغنام ] بإعتقادي إن هاتين الصفقتين بالإضافة لمبلغهما وقووة النجمين أنذاك كانت إحدى أسرار المحبة الطاغية لمحمد بن فيصل ,

* من الطبيعي أن تشاهد فئات من الجمهور يعشق الرئيس الفلاني وربما تصل الأمور إلى أن يقولوا [ لن يمر رئيس مثل هذا الرئيس ] وووو ..... ولكن من الغير طبيعي أن تشاهد معظم جمهور الهلال يتفقون على حب الهلال أولاً ولا يسيئون للرؤساء الذين أتوا من بعد رئيسهم المفضل , وهذه نعمة نغبط عليها كـ هلالييون كثيراً الا وهي البعد عن التحزبات وتصيد أخطاء الرؤساء والرقص عليها ..

على أساس إنه عطى سامي 3 ملايين وقال له بزووط ولا تجي للنادي ورح لللإمارات واحضر مبارايات المنتخب بالرغم من حاجة الهلال له ,, بعدين كلمة ( طرد ) أحسها قوية شوي..



* من ناحية التصريح الكل يتفق على خطأه ولا تجلس تتصيد الأخطاء وتنسى ماعمله خلال الـ 4 سنوات
كل رئيس له أخطاءه وترى كلنا نعرف نجمّـع أخطاء الرؤساء ولكن ولله الحمد هذي ماهي من صفات الجمهور الهلالي الغيور اللي تهمّـه مصلحة الهلال أولاً قبل كل شي لا [ رؤساء ولا مدربين ولا أساطير ] ..


* مدري أنت تتجاهل إن محمد بن فيصل بذاك الوقت علرض على الدوخي 5 ملايين كـ أكبر عقد لاعب محلي بالنادي أنذاك , وبنفس الموسم أو قبله تم التجديد للدعيع والشلهوب والخثران بمبلغ أقل من 2 مليونين ..
محمد بن فيصل أتى للنادي بـ ( 3 ) ملايين كاااش من أجل إقناع الدوخي ولكن وش تسووي بواحد
( يلف ويدور ) ومتّـفق من زمان منع البلوي ؟

لو هو مفرّط بالدوخي كاان ماشفنا الجمهور حتى الآن محتقن ضد الدوخي !
سبحان الله فيه جمهور يناقضون أنفسهم بأنفسهم والدليل إنهم يتهمون البلوي بإختطاف [ الدوخي والعويران ]
والحين يقولون إن محمد بن فيصل هو اللي فرط به !! إرسووا على بر تكفوون
..

مساء الخيرات والمسرات ..

- مشاكس ؟ ياليت توضحها شوي < يخاف يجيب العيد هههه

- طيّب :
معك دووم ياهلال , عبدالإله بن خالد , الهـــ14ــلالي , الـــســامــر
Iphone , الخبراوي , AC_hilal
..

:راقي
عين زرقاء , Hilali Today , Eric , مـوعــود , مجنون الزعامة
..

ردوده بالصميم :

هلال العرب , m*s , زعيم النماص . نيلمار , زعيم النوادي , Queen
E S S A , عادل , الهـــ14ــلالي , El Blanco , هلالي دايما , قاهر الظروف ..
Play maker , اوين , الواقعي

نشبه :
مافيه أحد بصراحة ..

فكاهي :
برووس , هباال وهلال , هلالي وافتخر , هلالي اكاديمي , عادل , المتصدر , لمياء ,
معاذ بن أحمد , POWER ..

على نياته :
كلمة السر ..

كنز :
والله أغلب اللي عرفتهم أعتبرهم كنووز ولا أقدر أحدد لك أخاف أنسى بعضهم
مثل ما إني نسيت في الأجوبة على سؤالك
..