لانها الام و الاخت و الزوجة و العشيقة و الابنة و الحبيبة...لان الحياة انثى و الالم ذكر

هههههههه فديت اللي ملاحظه بس :$ :$
ما امدح في نفسي بس المهارة جات من :

1- أول مرة سويت خبيز ما نخلت الدقيق و كنت لحالي بالمطبخ و اكتشفت بعدها بسنه انو لازم الدقيق يتصفى .. بس اتذكر فيس أمي و هي تقول لي ناقصه سكر أضحك .. جات عالسكر يا ماما ؟!! :$ و الدرس المتعلم : يا ما ورا السواهي دواهي ^^

2- أول مرة سويت رز .. غسلته مرة وحده بس .. و جيت احطه بالقدر ..صبيت الزيت و قعدت اسنى الزيت يحمى .. و عشان أتأكد .. حطيت ملعقة رز .. عاملته معاملة الفرايز و البوبكورن .. و فجأة صارت حبة الرز تتفجر تصير مثل الفشار .. طفيت النار و رحت لامي أقولها : ترا رزكم مصخره .. ليش يصير كأنه فشار ..
و هاتي يا تهزيئ فيني .. كيف ما تعرفي يعني؟ أعرف منين أنا حاجه زي كده ؟ هههههه
طيب نفس هالرز بعد ما حطييت عليه الماي و غطيت القدر .. أختي تجي تشوف ايش قاعده أهبب .. تكلمني و أنا من عند مغسلة الصحون : أمون كم مرة غسلتي الرز ؟
رديت عليها بفيس رافع خشمه : مرة وحده طبعاً.
اللي صار إنو الرز كان باين جداً انه ما انغسل كثير .. وفي أشياء هنا و هناك من بعيد شكلها حبة السودا ..بس من قريب ههههه مشروع أحياء ^^
أختي كانت لطيفه كفايه انها ما تخبر أحد .. و ألطف أكثر انها ما تغدت معانا يومها :$

3- لما قالولي سوي سمك .. قلت يا سلاام هذي قمة الثقه في مهاراتي .. أعتقد كنت أول ثانوي .. السنه اللي كنت مأجرة فيها عقلي و ضميري .. المهم .. سويت التتبيله و حرق الفلفل اصابعي ..مو مشكله .. حطيته عالنار و غطيته و كلو تمااااام .. جينا بنجهز للغذا .. إلاّ امي تسألني سؤال حسيته إهانه على مدري كيف اللي هو : امون انتي ما قلّبتي السمك بالمقلاة ؟!
و بكل فخر جاوبت بـ: لأ طبعاً ! و طلعت من المطبخ هههههه

جينا بنتغدى الكل قعد يضحك و توني فهمت ايش الموضوع .. وحده من خواتي اقترحت ادخل أدبي من بعدها
و كان ردّي : و انا ايش عرّفني بالفيزيا :$$

تجارب زي كذا و غيرها كثير خلوني أعرف كل اللي ممكن أعملو في المطبخ و المفروض ما يتعملش

المهم بعدها طلعت قناة فتافيت .. الاكشخ على الاطلاق :$
و منها تعلمت أسكّر باب المطبخ بالمفتاح و اسوي كل اللي ابيه بالطبخه ما دام اهم شي النتيجه النهائية.

بالنسبه لسؤالك : أيوه الحين *صرت* اعرف اطبخ :)
و لا تخليني ابدا تشبيهاتي بعالم الحيوان .. والله وقتها ما أخلص :$

عيد الحُب أتى .. والقَلبُ بِلا عَشيق