-
-
السعودية تختلف في كل شئ عن باقي الدول
وخصوصاً ( القبّليه ) اللي تغذيها الدولة من أول ما قامت
وهالقبّلية بتكون شؤوم على الأسرة من وجهه نظري
بتسألني كيف بتكون شؤوم أنا بقولك
ففيه ميزة للمتعصبين للقبليه في المملكة وهي ولائهم
الشديد لقبيلتهم وشيوخ قبائلهم والتمسك بالعادات والتقاليد
حتى لو كانت هالعادات والتقاليد تخالف حكم الله وسنه نبيه عليه الصلاه والسلام
فالأهم على قولتهم ( الجماعة وش يقولون عني )!!؟
وإنت تلاحظ هالفئة منتشرة بشكل كبير في القطاعات الأمنية
فلو حدث شئ لا قدّر الله في البلد
هل تتوقع واحد فيه ( قبلية ) راح يضرب أو يقتل واحد من قبيلته!!؟
طبعاً لا يمكن!!؟
وهالشئ الدولة من وجه نظري غافلة عنه
فلو حدث شئ لا قدّر الله - فبيكون مذابح فقط بالشوارع
وتصفية حسابات قديمة بين القبائل!!؟ -
تبي الصراحة - أنا مستمتع باللي صاير الآن
مو لأني أحب البلبله في البلد - لا
لكني أبغى المواطنين يصحون من الغفله اللي هم فيها
البلد قائم على الفســــــــــاد الإداري
بغض النظر عن صحة ما يكتبه مجتهد
فحتى أن بعضهم ما رضي بالفساد الإداري
وحب يوسع دائرة الفســـاد إلى فساد أخلاقي
ومن وجه نظري الشخصية وكتبها في تويتر
الدولة راح تتغير بعد عشر سنوات
فالأسرة والمسؤولين عايشين لأنفسهم
والشعب منقسم لقسمين
تيار إسلامي وتيار ما أسميه ليبرالي ( لكنه ضد التيار الإسلامي ) والإنقسام
بدأ يشتد بين الطرفين
وحتى المشائخ اللي كان الحكام يعتمدون عليهم بتثبيت حكمهم
فقد الكثير من المواطنين الثقة فيهم
فإنت إلزم بيتك وإلزم الجماعة -
هلا فيصل حياك الله - وما تفقد غالي إن شاء الله
وأنا ما كتبت شئ من أيام لاني غير متابع للشأن الداخلي
من شهر تقريباً ولا أدري وش اللي صاير
إلا اللهم طحت بالصدفه على قضية المثقفين السعوديين
واللي حصل في فندق الماريوت
واليوم صدر قرار بإعفاء رئيس الهيئة السابق
وإنتشرت أخبار ما أدري عن صحتها أن سبب إعفائه
تصميمه على شروط معينه لعمل المرأة في المحلات التجاريه
وتعيين من وافق رئيس هيئة مكه الغامدي في تحليل الإختلاط
وأحيانا لما أبدأ أفكر بالتوغل الإيراني في المنطقة العربية ككل
بدايه من سوريا ولبنان والبحرين والمنطقة الشرقية
ومحاولاتها الجادة في اليمن ومصر
أتسائل : هل لإيران دور وأيادي من الإعلاميين والمثقفين في الإعلام السعودي!!؟
وهنالك شواهد في الكويت والبحرين على ذلك -
صدقني لو لقيت شئ بصفحتك يدور حول الشبهات - كان تناقشت معك
أما أسلوبك بالصفحه - فهو تهجم فقط على الدين الإسلامي
بمعنى إنك ملحد تايوان!!؟ وتبحث عن جدال -
-
حياك الله يا ابوشادن - ما يوحشكشي غالي <--- بالطقاق طلعت معه ما يوحشكشي
انا طال عمرك عندي عمل النهار ومتابعه للعمل بالدقايق
وبالليل ما فيش وقت للنت
والحمد لله انا بخير يا مال الخير
تحياتي -
-
http://www.youtube.com/watch?v=Y26LEZ2JEGs&feature=youtube_gdata_player
ما أقول إلا حسبي الله ونعم الوكيل فيهم وفي اللي راضي بشغلهم
إنت ما تسمع وش يقول العساف!!؟
يقولك فيه شح بالأراضي!!؟
يا حبيبي - المملكة كلها برّان - عن أيه شح تتكلم!!؟
ووقفت عند تعليق شاب سعودي - يعبر عن حاله وحال الكثير من خريجي
الجامعات السعوديه وذكر فيها قصته أنقلها لكم
حسبي الله ونعم الوكيل ... انا .. جامعي عام 1422هـ متخرج من الجامعة اشتغلت عشر سنوات في شركات القطاع الخاص ذل مابعده ذل اول شركه 1200 ريال وتبعد عن البيت 50 كم بس علشان مايقولون عاطل وانتم عارفين مجتمعنا مايرحم .. وكان الفلسطيني اول مايتوظف بالشركه لانها شركة فلسطينية طبعا بغطاء سعودي 7000هذا علاوة على السكن والمواصلات على الشركة اشتغلت بشركه ثانيه بـ2000 ومديري لبناني كان راتبه 20.000 وسكن وسياره اخر موديل وجوال مجاني واشتغلت بشركه 3500 وكان مديري هندي عنده سواق من الشركة وراتبه 250000 من يصدق
وبعدين يقولك (ياخي الشعب السعودي يبي مكتب مكيف وراتب 10000 ماهو حق شغل) هذا علاوة على الاهانه الي يعاملونك فيها هالاجانب يعني كانك داخل بيته وتبي تشاركة رزقه او كانك شحاد وهو متفضل عليك يوظفك عنده والله ان حراس الامن الي على البوابات شيبان متقاعدين فوق الخمسين سنه وشتغل حارس امن براتب 1200 علشان يعيش عياله هذا ماهو حرام ؟؟؟ هذا ماهو قهر ؟؟ لا وابشركم توظفت وتزوجت وعمري 35سنه الحين والحمدلله علقت شهادة الجامعة بالمطبخ عند امي وتوظفت بشهادة الثانوية والله فعلا شرالبلية مايضحك.حسبي الله ونعم الوكيل
اشتغلت بسوق الخضره قالو الشغل ماهو عيب قلنا يالله ماهو عيب ماهو عيب نشتغل ياولد الخضره فيها فلوس على مانسمع ؟ حاربوني البنقاليه تصدقون هههههه الي فيه مكسب ريال صارو ياخذون عليه ربع ريال ونص ريال طبعا هو لو طلع ب50ريال مكسب باليوم حلو 1500 ريال بالشهر ماهي بطاله بالنسبه له بدال مايشتغل براتب 500ريال وتعتبر ثروة بالنسبه لهم ماهومحصلها بديرته لا ويتواصون عليناوحنا مجموعة شباب سعودي كلنا جامعيين يتواصون علينا بالسوق لان المورد بعد بنقالي ف يبيعهم البضاعه الزينه والبضاعة الي ماش نشتريها حنا غصب
بعدين تصدون اني ماكنت اتوقع انا اخس من الدول الي برا بالرشوة ؟؟؟ ماكنت اتوقع هالشي ؟ كان مراقب البلدية يجي وكل يوم يعطينا مخالفات ويقفل المحل ونروح نسدد ونفتح مره ثانية اما الاجنبي سواء كان بنقالي او مصري مايجيه شي اقول للبناقي ( سديق انت اس فيه سوي نفر مافي يعطي انت مخالفه) يقول سديق هذا نفر انا معلوم كل شهر هوا يجي انا يعطي هوه 100 ريال بعدين هو مافي سوي انا مخالفه هههههههههههههههههههههه اخيرا اقتنعنا السعوديين الجامعيين ان مالنا عليهم مجال قلنا ياولد البطالة ولا سوق الخضره
اشتغلت كداد خطوط تعرفون وش معنى كداد خطوط يعني شايل روحك على كفك طبعا من خطوطنا الي ماشالله المهتريه الي ماتمشي عليها بسيكل ؟؟ طبعا حسد العسكر حقين امن الطرق وبع مايعطيني مخالفه يقولو (اكلتو فلوس خلق الله ) ههههوخذ هذي مخالفه بالشهر صرت اسدد 3000او 4000ريال وصالح كامل ماقصر طبعاكمل الباقي يبيني امشي حبه حبه وانا رجال نشيط وراي شغل ههههوالشغله ماتوفي كدادين جامعيين كثيرين هذا غير الناس الي توفو بحوادث من اخويانا بهالمجال الله يرحمهم تخيل خويك يمشي من عندك وبعد ساعة تمشي وراه تلاقهم شايلينه ميت
عفواً لا احد يعتقد اني جالس اشتكي ؟ انا جالس اقولكم خبرتي ك سعودي عاطل او يعني جزء بسيط من سنين العطالة والبطاله (انت طفشان وماتدري وين تروح كالعادة عندنا يالشبع السعودية الي دايم وهو طفشان) (مر اقرب محطة نقل جماعي واجلس مع الشباب الي هناك ) وسولف معهم وتفرج واسمع راح تؤلف كتب ومراجع تغطي على قصص اجاثا كريستي وتغطي على كتب وقصص البؤساء
وبالاخير استنتجت قاعدة عريضه واحدة (انت سعودي) تبي تموت حسره وقهر(اجنبي)تبي تعيش ملك وامك داعية لك -
-
تصدق عاد إني أمس داخل على صفحتك بشوف متى آخر مره رديت فيها
لقيتك من شهرين!!؟
وأرسلت لك قبل شهر - ولا شفت منك أيه رد
وكنت ناوي أنزل رد أسأل من اللي عنده رقم جوالك يسال عنك!!؟
وشكلك ما رجعت ودخلت إلا لأن الكلاسيكو اليوم ^_^
وتبي تتهاوش مع المدريديه
وما عاد بقى أحد يا جهاد الكل إنتقل - فأخذت أشيك على الأسماء أمس
وعلى رأس المنتقلين اللي ما كنت أتوقع إنها بتختفي
ماهينور
ابوياسر - ابوزياد - حتى ظلي هلالي - زرقاء - ابراهيم
ميس - شيهانه - رؤى - المشاغب - ايقاع - نهايه - عاصم
هذا غير اللي تقفلت صفحاتهم وما تطلع لي ولا اتذكرهم
والآن اللي احس انها محركه الهوم - ريهام
يعني لو تروح ريهام - رحنا فيها ^_^ -
السلام عليكم ورحمه الله وبركاته - مساء الخير
تطالعنا الصحف المحليه والإعلام بشكل عام بشكل يومي
عن قضايا الفساد المستشري في البلد
إما بمقالات أو برامج حواريه - حتى أن بعض كتّاب الأعمدة
تخصصوا بقضايا الفساد عن طريق مقالاتهم
لكن اللي ما فهمته
بعد كل هالتسليط من الإعلام على قضايا الفساد
ما شفنا أيه تحرك لمعالجه هالفساد - حتى بعد إنشاء هيئه مكافحه الفساد!!؟
وأنا أتسائل : من المشار إليهم بالإعلام - بقضايا الفساد!!؟
الكل يعمم أن الفساد - بالمسؤولين و التجّار!!؟
طيب من هم المسؤولين و التجـــار!!؟
فأنا أعتقد أن تسليط الإعلام على الفساد بشكل يومي
هو مجرد تنفيس للمواطن فقط من الضغوطات اللي يعاني منها
وإلا وش الفرق بين ما يكتب في الصحف المحليه وما يطرحه سعد الفقيه!!؟
فمع إختلاف التوجه بين الإعلام السعودي وسعد الفقيه
إلا أن الإعلام السعودي تخصص بطرح قضايا الفساد بشكل عام ويقف عند الخطوط الحمراء
وأما سعد الفقيه فالخطوط مفتوحـــــــــــه!!؟
مع أن من يوفر الحماية للمسؤولين والتّجار هم من يقف خلف الخطوط الحمراء
بالنسبة للإعلام السعودي!!؟
هالتنفيس للمواطن تعتبر ماركه عربية مسجله
بعد ما كان دريد لحام وعادل إمام - متنفس للمواطن السوري والمصري
والعربي بشكل عام ضد الأنظمة العربية
ولما قامت الثورات العربية ظهّر "المستخبي" وقفوا في صف الأنظمة الدكتاتورية -
اللي خلاني أقول هالكلام إني قرأت خبر بالأمس عن سجن الرئيس الإسرائيلي السابق
موشي كاستاف لمده سبع سنوات بسبب قضيه إغتصاب لموظفه قبل أن يترأس إسرائيل!!؟
فسبب هلاك الأمم السابقه كما قال عليه الصلاه والسلام
أنهم إذا سرق فيهم الشريف تركوه وإذا سرق فيهم الضعيف أقاموا عليه الحد
فالمشكلة الآن لا حنا اللي أقمنا الحدّ لا على الضعيف ولا أقمنا الحدّ على الشريف!!؟
فكل الضعفاء اللي سرقوا بحمايه ممن يقف خلف الخطوط الحمراء
متقاعدين ويصرف لهم راتب تقاعدي نهايه كل شهر - بالإضافه لكبر كرشته بسبب سرقه المال العام!!؟ -
وفي تصاريح يطلع سامي ويقول اصبروا إلى متى نصبر وفي كل يوم تشكيله جديدة وبتوتير ابن مساعد يقعد يجيب لاعبين أول مرة نسمع عنهم في الأولمبي ويقارنهم بهوساوي ! اللوم على اللي يتابع كلام منتديات في التعاقدات اخاف لو فشلنا يقول إيمانا كان مطلب الجمهور وجبناه
............................
أنا من البدايه ما عجتني تعاقدات الهلال بخط الهجوم
فغالبيه الجمهور بالمنتديات يطالبون الرئيس بجلب مهاجمهين على مستوى عالي
والإدارة ما قصرت جابت هالسنه العربي والكوري
لكن لو ترجع لتاريخ الهلال ما تجد مهاجم أجنبي واحد نجح مع فريق الهلال
على أن نفس المهاجمين نجحوا مع فرق سعوديه ثانيه واعطيك امثله
احمد بهجا لم ينجح مع الهلال ونجح مع الإتحاد
سيرجيو لم ينجح مع الهلال ونجح مع الإتحاد
على أن سيرجيو أنهى مباراه بكأس الكؤوس الآسيويه لصالح الهلال!!؟
وكان فيه مهاجم سنغاالي اسمه داين فاين او فاييه
عرض على الهلال وتم رفضه على أن المبلغ كان زهيد جداً
وإنتقل لنادي الرياض ونجح وعلى ما اظن صار هداف
ورجع الهلال شراه بمبلغ يفوق المبلغ المعروض عليه بالسابق
خلاصه الكلام
أن نادي الهلال سر تفوقه خط الوسط
فكان على الإدارة عدم التفكير بجلب لاعبين رؤوس حربه من البدايه
وجلب ظهير أيمن بدال المبدع نامي وبس تنتهي المشكله!!؟
والظاهر أن هذا هو التوجه الآن بعد إنتقال سعد الحارثي
لكن المشكله في سعد الحارثي أن له الآن ثلاث سنوات
ما لعب مباراة كامله!!؟ -
إيه يا زمن!!؟
السلام عليكم ورحمه الله وبركاته - مساء الخير
الأكيد إن المتابعين للرياضه السعوديه
تفاجأوا بخبر إنتقال سعد الحارثي لنادي الهلال مثل ما تفاجأت!!؟
O.o
فمن كم يوم والناس تتداول هالخبريه لكني بصراحه ما صدقت
مو لأن سعد الحارثي لاعب نصراوي سابق!!؟
وبيكون أول لاعب نصراوي ينتقل لنادي الهلال - لا
لأن سعد الحارثي سئ جداً جداً جداً بنادي النصر
فلا كنترول على الكوره ولا مهارات ولا رأس وفوق هذا بطئ جداً
ويقتل الهجمه بسبب أنه ما يرفع راسه لزملاه اللاعبين كل ما إستلم الكوره!!؟
قلت في نفسي لا يمكن يجي للهلال!!؟
الهلال اللي إستقطب رادوي وولهامسون ونيفز وهرماش وإيمانا
ينزل مستواه بالتعاقدات مع سعد الحارثي
O.o
فغالبيه الجماهير الزرقاء اللي فاهمه كورة وتخطوا مرحله المراهقه
هللوا وفرحوا برحيل ياسر القحطاني - فما بالك الآن وش بيسوون مع هالخبر الغريب!!؟
فياسر وهو في أسوأ مستوياته مع الهلال ممكن يأدي بالملعب بأفضل
مما يأديه سعد الحارثي وهو في قمه مستوياته!!؟
وبالنسبة لي أنا أعتبر هالإنتقال ظلم كبير للمحياني وقتل موهبته إلى الأبد!!؟
وعلى قوله مشجع هلالي معارض رأيي بالإنتقال
خلينا نشوف وش عند سعد بوجود وسط الهلال!!؟ -
بصراحة يا متابعة من أمس وأنا كنت مشكك بأن الحساب يخص عبدالعزيز بن فهد
لكن اليوم تأكدت إنه له بعد ما شيكت على صفحة عبدالرحمن بن مساعد
ولقيت فلو لصفحة عبدالعزيز بن فهد
أقول هالكلام لأن أعرف علاقة الإثنين - فعلاقتهم أكبر من إنهم عيال عم
فبعد التأكد قريت كل التغريدات - لعبدالعزيز بن فهد
وبصراحة رحمته وأشفقت عليه!!؟
فنسبه كبيرة من التويتريين يطقطون عليه من أمس
والرجل ما عنده لا ثقافه ولا منطق ولا أيه حاقه في أيه حاقه!!؟
وشئ يقهر لما تدار الدولة بمثل هالعقليات
ومو هو لحاله ترا
O.o <--- فيس يطالع لرأس الهرم
وعزاي الوحيد إن كل واحد الآن عنده أخو صغير أو ولد
يخليه يقرأ صفحة عبدالعزيز بن فهد
ويقوله : تراك إذا ما نجحت بالدراسة بمجهودك الشخصي بتكون نهايتك مثل صاحب هالحساب!!؟
وتوقع شخصي إن عبدالرحمن بن مساعد راح يضغط عليه
علشان يقفل الصفحة - لأن ظهوره بهالشكل جداً يثير الشفقه -
خليك من عبدالرحمن بن مساعد ورؤساء الأنديه
لأن إحتكاكهم في الغالب مع الناس سواء في الشارع أو في النادي
إلا أن الفرق بين رؤساء الأنديه والمسؤولين
أن إحتكاكهم بعامه الناس والنقاشات اللي تدور في إطار النادي فقط!!؟
وما أعتقد أن فيه أحد من المشجعين بيطلب لقاء أحد رؤساء الأنديه
علشان يشكي له همه كمواطن!!؟
وأنا منقطع من فترة يمكن أكثر من شهر عن التويتر
وما كان فيه أحد من الأمراء المسؤولين عنده حساب إلا نواف بن فيصل
وما كنت أتابع صفحته لأنه ما يهمني!!؟
وأمس بالصدفه وصلني رابط هاشتاق من أحد الأخوات
بخصوص الأمير عبدالعزيز بن فهد
وأنا أتوقع إن سبب سؤالك هذا هو رابط الهاشتاق أو النقاش
اللي دار بين تركي الحمد وعبدالعزيز بن فهد
وإن كنت شخصياً ما أعتقد إن الصفحة تخص عبدالعزيز بن فهد
على أنه عاطل ولا عنده لا شغله ولا مشغله
لكن خلنا نفترض إنه عبدالعزيز بن فهد
كيف بتقبل الأمير عبدالعزيز بن فهد وأعامله كشخصية محبوبه
بعد ما كان مسؤول في البلد / ولا لاحظت أيه قرار يخدمني كمواطن
على أن البلد كلها كانت تحت سلطته بمرض أبوه!!؟
وكيف بتقبلك كشخصية محبوبة وأرصدتك في البنوك تتلخص بسؤال واحد / من أين لك هذا!!؟
فإذا كان صاحب الصفحة هو عبدالعزيز بن فهد
أعتقد أنه حس بأنه فقد الكثيرين من اللي حوله
وحب يشوف ردود فعل المواطنين بعد ما كانت كل مصروفاته
من شرهات وعلاج للمرضى من حساب أبوه الشخصي
وعلى حساب الدولة
وصدم بهاشتاق طويل عريض - فيه من الشرشحة ما الله به عليم -
السلام عليكم ورحمه الله وبركاته / مساء الدوامات وضيقة الصدور
وأعتذر لغطستي خلال هاليومين - بسبب شركة الإتصالات
اللي فاصلين النت عندي من يومين وما أدري يمكن يرجعون يفصلونه وأنا أكتب الآن!!؟
فخلال هاليومين ما يمديني أشيك على موقع إلا ويفصل النت
وما يرجع الإتصال إلا لساعات قليله ثم يرجع للإنقطاع من جديد!!؟
ما أدري ليه الواحد لما ينقطع النت عنده - يحس إنه فقد التواصل مع العالم كله!!؟
لكن الزين بالموضوع إني إستغليت هالإنقاطع وطلعت للبر أوسع صدري شوي
واللي يضيق صدرك إذا بتطلع للبر - هالشبوك على البرّان!!؟
وما أحد يدري وش الهدف من هالشبوك!!؟
المفروض نغير إسم الدولة من المملكة العربية السعودية
إلى المملكة العربية المشبّكه!!؟
فوين ما تروح إلا والشبوك حولك - فإذا الواحد بيكشت وين يروح!!؟
هل عليّ أخذ عزبتي وأفرش بالبراحة اللي جنب بيتي!!؟
وإلا تضطر تجلس عند الشبك وتسمع السيارات على الخط رايحه جايه!!؟
فما إستفدت شئ من طلعتي!!؟
فما لك إلا تطلع 250 كيلو برا الرياض حتى تتخلص من هالشبوك وتدخل بوسط البرّان
توسع صدرك وتحس بالهدوء!!؟
آآآه بس لو هالديرة ماشيه بالإنتخابات
لكنت أنشأت حزب وخليت برنامجي الإنتخابي ما يطلع عن
إجازة لجميع المواطنين من يدخل الشتاء لحد ما ينتهي
وإجازة طويله من يدخل الصيف لحد ما ينتهى
لقطة الختام على قولة بتال القوس
فبيكون الظهور الأول على الفورم على غير العادة اللي تعودوها الفورميين
بالكشخة وبيكون الظهور بخلاقين الشتاء ^_^
http://dc14.arabsh.com/i/03612/9qn7yqayzht4.jpg -
بعد ما شفت رابط الصور في ماليزيا في صفحة ريهام
رحت أبحث عن مقاطع في اليوتيوب عن أندونيسيا
اللي زرتها بعام 1424هـ
هالديرة إلى يومك وأنا أهوجس فيها بسبب الطبيعه
واللي افضلها عن كل الدول اللي زرتها
واللي ناوي يسافر لأندونيسيا وما قد زارها قبل أنصحه
ما يطول بالمدينه وينطلق إلى بونشاك والمسمى عند السعوديين - الجبل
واللي تبعد عن العاصمه جاكرتا ساعه ونص تقريباً على ما أذكر بالسيارة
في بونشاك راح تشوف العجائب فكل شئ حولك يفتح النفس
الأرض والجبال خضراء!!؟ - ويمر عليك أربع فصول باليوم
شمس - غيوم - أمطار
هذا غير الشلالات اللي توسع الصدر!!؟
واللي خايف من اللغه - فالسعوديين ما قصروا هناك
مخلين سكان الجبل يتكلمون عربي من كثر زيارتهم للجبل
حتى أن فيه بقاله تبيع جميع المنتجات السعوديه ^_^
ما علينا من هذا كله واللي بنزل المقاطع عنه في مدينه باندونق
واللي تبعد عن جبل بونشاك مسافه ساعتين تقريباً
واللي يميز باندونق عن باقي المناطق اللي زرتها وجود الجبل البركاني
هالجبل يخرج منه مياه حاره وبتشوفون بالمقطع الأول لاحد المصورين
إن الحبيب يسلق بيض ^_^
وبنهايه تجمع هالمياه الحاره تم إنشاء منتجع سياحي للزوار
وتصميم مسابح لعلاج مرضى العظام ^_^
فلما تدخل المسبح وبعد دقايق ما عاد تحس بنفسك
لأنك تكون مسترخي تماماً ولا تقدر توقف على رجولك بسبب المياه الكبريتيه
ولقيت مقطع للمسبح وهذا هو عندكن
وبالمناسبه - ضبطنا رابط المحادثه المباشره وهذا هو
http://bit.ly/v9Jsoi
http://www.youtube.com/watch?v=Lvy5TD6eEIA
http://www.youtube.com/watch?v=bdjM1u-yrO8&feature=related -
شكراً لتس يا حصه ولعبدالمحسن
وهذا رابط المحادثه المباشر
http://bit.ly/rtpQw0
بس المشكله إني لقيته أوف لاين!!؟
وأنا فاتح الماسنجر - عاد خلو الرابط موجود لحد
ما القى حل لهالمشكله ^_^
http://www.youtube.com/watch?v=dlXItS5S5Z8 -
السلام عليكم ورحمه الله وبركاته - مساء الخير
بالأمس أرسلت سؤال عن الأصدقاء وكيف تتعامل معهم إذا ما كانوا يصلون
وسبب سؤالي هذا أني أعاني من هالمشكله
فأصدقائي الوحيدين اللي "أسّير" عليهم للأسف
يصلون فتره وفترات يقطعون الصلاة - على أنهم ما ينكرون وجوبها
فأنا ما أجيهم إلا كل أسبوعين أو ثلاثه أو مرة وحدة بالشهر
من ثلاث سنوات أو أكثر وهذا طبعي معهم
ومع كل زيارة ألاحظ التغير - بعضهم يصلي - والبعض يتركها
وبالزيارة الثانيه اللي ما كانوا يصلون - يرجعون للصلاه - واللي كانوا يصلون يتركونها O_o
والجميع إذا بيصلون - أقاموها بالبيت - على أن المسجد قريب جداً
وعلى محاولاتي معهم بالأسلوب إلا أني ما شفت تغير
حتى أني صرت أخاف على نفسي لأنهم مجموعه ضد واحد
فطبيعي تأثير الغالبيه أكثر من تأثير الأقليه!!؟
فصرّت أخاف على نفسي وأرفض زيارتهم إلا من بعد صلاة العشاء
مهما كانت المناسبه - والشئ الثاني خوفي على نفسي أن أتحمل وزرهم!!؟
فأمس مثل ما الجميع تابع مباراة الأزرق مع النصر
كنت غير متفائل بالمباراة نظراً للمستويات السيئه اللي يقدمها الهلال من بدايه الموسم!!؟
فوصلت عند أخوياي - اللي كنت أتكلم عنهم فوق - بعد صلاه العشاء
ولما شفت التشكيله وإن المدرب يلعب بخطه 4-4-2
إستغربت O_o
فالهلال ما تعود على أسلوب اللعب بـ 4-4-2
من سنوات ولا يمكن يقدم مستوى بهاللخبطه!!؟
وخصوصاً إن خط الوسط
هرماش - الفريدي - الدوسري - الشلهوب
ما يتراجعون بعد كل هجمه ولا واحد منهم يغطي مع خط الدفاع
وكلهم معروفين بتسحيب الرجول بعد كل هجمه!!؟
فقلت للنصراويين الموجودين - الشوط الأول راح ينتهي 2-0 للنصر
فرد عليّ واحد نصراوي - قالي تستهبل أنت أكيد وإلا تتريق على النصر ^_^
قلت ما أتريق ولا شئ وقلت له عن سبب التوقع!!؟
وحسيت إنه أستبشر خير ^_^
بعد ما إنتهى الشوط الأول - سألني نصراوي
قال وين توقعك 2-0 للنصر وحنا نشوف العكس
قلت مو ذنبي إن لاعبين النصر : دبش
^_^
فالهلال سجل الهدفين بالشوط الأول من كور ثابته!!؟
والهدف الثالث بسبب خطأ دفاعي
ولا شفنا أيه هجمه خطرة على مرمى النصر إلا وحدة بس
عن طريق تسديدة الدوسري – بعد طرد بينو!!؟
والشئ اللي مستغرب منه
إن المدرب يتابع اللاعب الخرافي "نامي" يقتل الهجمات
الهلاليه بكل مباراة ولا تحرك وعالج مشكلته!!؟
ففي كل هجمة مرتدة أو خطرة لمباريات الهلال
وتكون الكورة عند "نامي" يوقف الكورة علشان يعكسها
فالمهاجمين يتخطون نامي بخطوات بسبب هالتأخر بعكس الكورة
والمدافعين يغطون المهاجمين أو يقطعونها بسبب نامي وتوقيفه للكورة!!؟
فالحمد لله على الفوز – إلا أن هالخطه أمس لو لعبها
قدام الإتحاد أو الإتفاق راح ياكلون الهلال بخمسة
لأن المرمى مكشوف بعد كل هجمه مرتدة على الهلال!!؟ -
وعليكم السلام ورحمه الله وبركاته - هلا أبوشادن
أبشرك باض الديك ^_^
وطلعت اليوم الشروط أخيراً كالتالي
1-تحديد عمر المستفيد من 20 إلى 35 سنة،
2-وأن لا يكون المستفيد طالبا
3- وأن لا يكون لديه سجل تجاري
4- وأن لا يكون من مستحقي معاشات التقاعد.
ومن الشروط أن لا يكون لدى المستفيد بدلا أو إعانة من وزارة الشؤون الاجتماعية تعادل مبلغ الإعانة التي يقدمها "حافز"، وأن يكون مقيما إقامة دائمة في السعودية.
ولم تستثن الشروط المتزوجات من الدخول ضمن المستفيدين من البرنامج حيث اوضحت الشروط احقيتهن في الاستفادة من "حافز".
وأما قرار العمل في المحلات النسائيه يبدأ تطبيقه من يوم 7/2/1433هـ
يعني شهرين وثلاثه ويبدأ تقليص عدد المستفيدين من بند العطاله
وأمس طلع الشاعر "أسير السبّاله" بقرب قرار مشاركة المرأة
في الأولمبياد - وفق الضوابط الإسلاميه ^_^
ومن الشروط <--- حضور المحرم ^_^
تخبر إنت الأجانب إذا شافوا السعوديه متحجبه وتراكض بعبايتها على المضمار
بيتحرشون فيها ولهذا كان من الشروط وجود المحرم
علشان لو حصل أيه تحرش ينزل المحرم من المدرجات ويتهاوش مع اللجنه المنظمة ^_^
-
Hictar’s Bio
وما من كاتب إلا سيفنى*ويبقي الدهر ما كتبت يداه
فلا تكتب بكفك غير شيء*يسرك في القيامة أن تراه
للمحادثه المباشره
http://bit.ly/v9Jsoi
