لا بالطبع .. فكما قال نجيب محفوظ : الكتب تهييء للإنسان الحياة التي يهواها.” ―,

عندما يستيقظ الضمير الإنساني

هناك أشخاص نفتقدهم , وليس بالضرورة إنهم ماتوا
بل صفاتهم النبيله القديمه التي احببناها فيهم قد ماتت
وهناك أشخاص يقضون معظم حياتهم متنقلين في قلوبنا وذكراتنا .

آلوان .. تحتاج فرشاة ^__^ ~
تعرفون من بداية تسجيلي بِ رذاذ .. حتى يومكم هذا ،
وآنا في كل مرة آعيش فيها لحظة حلوة .. آحاول قدر الإمكان
آخزنها في ذاكرتي المجوفه ! بِ كل تفاصيلها وبِ كل آحاسيسي وقتها ..
للحد اللي صرت احس فيه وكأنكم تعيشون معي ..

وتعرفون .. بديت آخاف منكم هع ،
صرت اتلقى رسائل آقل مَ يقال عنها .. انها غريبة !
مو بِ الكلام اللي فيها .. لا عالعكس الكلام مافي احلى منه
لكن بِ الوقت اللي توصلني فيه .. بِ الوقت اللي آنا احتاج فيه
فعلاً اقرأ كلام نفس كذا ،
وكأنكم تعبرون قلبي .. وتعرفون وش اللي ينقصه وتقولونه لي ..
شكرررررراً كبيره اكبر شيء .. لِ كل اللي يكتبون ويضيئون نور بِ
قلبي مَ ينطفي ^___^


آمس بعد مَ نام الكل .. آخذت جهازي وشوي
شوي طلعت من غير مَ آقوم الشلة اللي عندي ..
كان في بداخلي شيء ابي اكتبه .. شوي الإ حسيت بيد على كتفي ،
كآنت شموستي .. سكرت اللاب بشويش وشالته بعيد عني
مسسكت يدي ومشتني وراها .. رحنا لغرفتها قالت لي ادخلي
توضي ، وانتظرتني لين توضيت .. لبستني شرشف الصلاة
وفرشت لي السجادة ووجهتني للقبلة ..
ابتسمت ابتسامتها اللي تخليني اطيح من طولي ^_^
وقالت الغرفة لك ... وطلعت !
وقفت ساعه .. وآنا اناظر مكان السجود ،
حطيت يدي على قلبي .. تجمعت الدموع بعيني ،
واتسائل .. ليش انسى دائماً ان ضيقة قلبي مَ تروح الا معك
يَ ربي يَ حبيبي ؟


كآآآن الصبآح رايق بِ شششكل ،
الفطوور كآن من يديني وشموس .. بسسس لمسات !
نيوف بيده المحاضره وبيد ثانيه يأكل ومن جهة يشوت برجله
يوسفو اللي قاعد عالأرض . وهذا الأخير يعصب ويجي يهاوش
ونيوف يأكله لقمه ويسسكته ..
وجدتي مكيفه على الشآهي وهي تسولف لأمي عن اهمية مدد
الرجول على قدد اللحاف .. وآميمتي اللي كل شوي تناظرني وآعطيها
بوسه بالهواء تبتسم وتهز راسها وترجع تنتبه لكلام جدتي ..
وشمسوووه اللي مَ شاء الله .. تأكل عن آربع وبشراهة
مَ هي صآحيه ، افهي وانا اناظرها وتقرصني الدوبا ..

كنا بطريقنا لدار النشر ..
آميمتي وجدتي مستلمين شموستي .. مَ بقوا نصيحة مَ قالوها لها ،
وانا مساكة محاضرة نيوف اسمع له الجزء اللي مو راضي يحفظه ،
وكل شوي يوقف .. وآذكره !
وفجأة طرا على بال هالدوبا
تأكل ايسكريم سندويتش السعودية .. هذاك اللي لونه فضي ،
ويَ ليل .. مشورتنا من سوبرماركت لثاني ونحن ندور على
هذا الشيء ..
ولمَ لقيناه .. آخذ نيوف درزن وجلسنا نأكل طول الطريق ،
آكلنا كم حبة والله .. لا وبعززز البررررد


آقولكم ششيء .. مَ تكون قلوبنا بخير لمَ نعيش
حياتنا لِ مجرد كون الآيام تجبرنا نعيشها !
لمَ تقومون كل صبآح ،
وتروحون لأشغالكم آو لدراستكم وترجعون البيت
وتنامون وتقومون وتحاولون تشغلون نفسكم بِ آي
شيء لين يجيكم نوم مرة ثآنية !
إعرفوا .. ان الحياة قاعدة تتسلل من قلوبكم ..
وإنكم بديتوا تعيشون حياة .. كويسه صحيح لكن
مَ هي جميلة !

تعرفون كانت عندنا معلمة بِ ثاني متوسط ..
تدرسنا كل مواد الدين ،
كآنت سمووره سمار غامق .. عشان كذا كل مَ ابتسمت
كنآ مجبرين نبتسم معها ، ابتسامتهااا بيضضضضاء
كانت سحر بِ النسبة لنا ..
كانت بِ كل بداية حصة تخلينا نقفل عيوننا ، وتبدأ تقول
اذكار الصباح ونحن نعيد من وراها ..
وقبل مَ نفتح عيوننا .. كانت تقول جددوا النية حبايبي ..
جددوا النية وبِ إذن الله ربي بيعينكم بِ كل لحظة من حياتكم !

اتسائل ليه ننسى .. نجدد نيتنا بِ كل صباح ،
وكل اللي يطري على بالنا .. إنه مجبرين نروح لشغلنا
ولا ندرس غصباً عنا ..
اتسائل .. ليه مَ جددت آنا نيتي بِ كل صباح من سنواتي
اللي فاتت ؟
ليه ركززت بس .. بِ إني اروح وأخلي الوقت يعدي وبسس
متناسية إن الوقت محسوب علينا .. بِ آصغر جزء
من الثانية ..

مع الوقت ،
بنقدر نتعود على خسارتنا لأحلامنا ..
ولا فراقنا لشخص نحبه ،
ولا فقداننا آشياء تهمنا ..
بِ نتعود ومع الوقت .. بِ يعوضه ربي خير لنا !

لكن الإ قلوبنا .. لو خسرناها صعب نعوضهااا !
جددوا قلوبكم .. جددوا النية ، قوموا كل صبآح
وحطوا يدكم على نبضكم ..آحمدوه لأنكم مازلتم تقدرون
تحسون فيه ورددوا بصوت مطمئن : توكلت على الله ..
إرسموا اوسع ابتسسامة على خششكم الجميلة ،
وبِ طريقكم أفطروا مع آحبتكم .. وإستنشقوا رايحة الجنة
بِ روؤس آمهاتكم وآبائكم ..
وطيروا كم بوسة عَ الطاير لِ آخواتكم ولا إخوانكم ..
امشوا على ارض الله الواسعه .. وتمنوا الأجمل دايماً
ومَ بيجيكم الإ الأجمل دايماً ^_____^

- لَ تسمحوا للحياة .. تنفلت من قلوبكم
- الوان حياتكم .. مَ هي الإ افعالكم
والفرشاة .. هي نواياكم


يسسسسسسعدكم ربي ~